محسن خوشتر کی نظم ۔۔۔ اپنی محفل میں اگر مجھکو نہیں پاؤ

[مخلص انسان]

اپنی محفل میں اگر مجھکو نہیں پاؤ گے
ایسے حالات میں تم اور بھی گھبراؤ گے

شوق سے جو رو ستم مجھ پہ کرو تم لیکن
اپنی نادانی پہ خود آپ ہی پچھتاؤ گے

ناز و انداز کی قیمت ہے تیرے ، میرے سبب
کس کی محفل میں بھلا اور غضب ڈھاؤ گے

کوئی ہوگا نہیں اس جنسِ وفا کا طالب
کون ہے میرے سوا جس کو یہ دکھلاؤ گے

کاٹ لو میری زباں ، کیسے وفا دار کہوں
ہاتھ میں بالے ، کٹرے پاؤں میں پہناؤ گے

تیرا حافظ ہے خدا بزم سے جانے والے
در کھلا ہے دل چاہے تو آجاؤ گے

سخت دن اپنے اس امید پہ گز رے خوشتر
آؤ گے ، آؤ گے ، اب آؤ گے اب آؤ گے

 

[الف عین]

کیا مخلص انسان محسن خوشتر ہیں؟ خوب غزل ہے، ویسے شتر گربہ بھی ہے ایک شعر میں۔

 

[مخلص انسان]

نہیں جناب ہماری تحریر نہیں
یہ تو ہماری نظر سے گزری تو سوچا آپ سب کے لیے شئیر کی جائے

 

[محمد وارث]

نہیں جناب ہماری تحریر نہیں
یہ تو ہماری نظر سے گزری تو سوچا آپ سب کے لیے شئیر کی جائے

آپ اب یہاں کے کافی پرانے رکن ہیں، آپ کو علم ہونا چاہیے کہ آپ کس زمرے میں کیا پوسٹ کرنے لگے ہیں یا کر رہے ہیں۔ آپ بخوبی جانتے ہیں کہ یہ "آپ کی شاعری" زمر ہ ہے اور آپ نے لکھا کہ یہ "ہماری تحریر نہیں" سو آپ کو اگر یہ نہیں بھی علم تھا کہ کہاں پوسٹ کرنی ہے تو کم ازکم یہاں پوسٹ نہیں کرنی چاہیے تھی۔امید ہے تعاون فرمائیں گے کیونکہ یہ آپ کے اپنے لیے بہتر ہے، ابھی سرقہ کا لیبل لگتا اور آپ وضاحتیں دیتے اور پانی بھرتے نظر آتے۔

میں آپ کی پہلے بھی کئی لڑیاں "پسندیدہ کلام" میں منتقل کر چکا ہوں، اس زمرے کے اچھے سے دیکھ لیں اور آئندہ ایسا کلام یہیں پوسٹ کریں۔

والسلام