محبت عمر بھر اب کون کرتا ہے۔۔ (برائے اصلاح اساتذہ کی نظر کرم کا منتظر۔۔۔)

حنیف خالد نے 'اِصلاحِ سخن' کی ذیل میں اس موضوع کا آغاز کیا، ‏اپریل 5, 2020

  1. حنیف خالد

    حنیف خالد محفلین

    مراسلے:
    44
    جھنڈا:
    Pakistan
    موڈ:
    Amused
    محبت عمر بھر اب کون کرتا ہے۔۔
    زمانے کے بدلتے رنگ میں ڈھل کر
    محبت نے بھی فرسُودہ، پرانے سب معانی میں نئی ترمیم کر ڈالی۔۔
    محبت اب فقط وقتی ضرورت ہے
    محبت دائمی جذبوں کے احساسِ ''زیاں'' میں اب نہیں پڑتی۔
    محبت اب خلوصِ دل کو فُرقت کی کسوٹی پر نہیں کستی۔۔
    محبت اب گلے شکوے نہیں کرتی۔۔
    فراقِ یار میں دل سے نکلتی آہ بھی دہلیز پر اس کی کبھی دستک نہیں دیتی۔۔
    بدلتے رنگ میں اس نے نیا انداز اپنایا
    کہ اب برسوں تلک دل میں بسانے کا
    زمانہ جا چکا کب کا
    محبت اب بدن کی خواہشوں کا نام ہے جاناں
    محبت عمر بھر اب کون کرتا ہے۔۔
     
    • زبردست زبردست × 1
  2. محمد خلیل الرحمٰن

    محمد خلیل الرحمٰن مدیر

    مراسلے:
    10,046
    جھنڈا:
    Pakistan
    موڈ:
    Festive
    اس قدر خوبصورت نظم کے ساتھ اردو محفل میں بارِ دگر دھماکے دار واپسی مبارک ہو حنیف خالد بھائی۔ آپ کی یہ نظم اردو محفل جریدے کے اگلے شمارے کے لیے منتخب کی جارہی ہے۔ امید ہے اب آپ بھی محفل میں اپنی موجودگی کو یقینی بنانے کے لیے اپنی مزید نگارشات بھی محفل میں پیش کریں گے۔
     
  3. حنیف خالد

    حنیف خالد محفلین

    مراسلے:
    44
    جھنڈا:
    Pakistan
    موڈ:
    Amused
    محترم جناب محمدخلیل الرحمن صاحب!
    نظم کی پسندیدگی ، اور آپ کی حوصلہ افزائی پر آپ کا بہت بہت شکریہ ، بلکہ یوں کہئے کہ آپ کا شکریہ ادا کرنے کے الفاظ نہیں۔
    اس پر آپ نے نظم کو آئندہ شمارے میں شامل کرنے کی جو نوید سنائی دل کو چھو گئی۔آپ کا انتہائی ممنون و مشکور ہوں۔
     
    • دوستانہ دوستانہ × 1
  4. الف عین

    الف عین لائبریرین

    مراسلے:
    35,329
    جھنڈا:
    India
    موڈ:
    Psychedelic
    اچھی نظم ہے ماشاء اللہ، پسند آئی، لیکن مجھے یہ جاناں فلمی گیت کا انداز لگتا ہے جب کہ اس کی ضرورت نہیں، بلکہ نظم کا تاثر کمزور کرنے کا باعث بنتا ہے
    محبت اب بدن کی خواہشوں کا نام ہے
    اور بس...!
    محبت عمر بھر اب کون کرتا ہے۔
    اب بدن میں تنافر کی کیفیت دور کرنی ہو تو
    محبت صرف تن کی.....
     
    • زبردست زبردست × 1
  5. حنیف خالد

    حنیف خالد محفلین

    مراسلے:
    44
    جھنڈا:
    Pakistan
    موڈ:
    Amused
    بہت بہت شکریہ سر ۔۔۔
     

اس صفحے کی تشہیر