Sarwar A. Raz
محفلین
یاران محفل: آداب!
ایک تازہ غزلِ مسلسل لے کر حاضر ہو رہا ہوں۔ امید ہے کہ اگر پسند نہ بھی آئ تو ناپسند بھی نہیں ہوگی۔ اپنی رائے اور تاثرات سے آگاہ فرمائیے۔ شکریہ!
سرور عالم راز “سرور“
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غزل:
مجبور محبت ہوں گنہ گار نہیں ہوں
میں گردش ِ ہجراں کا سزاوار نہی ہوں
اک جام میں بہکے،میں وہ میخوار نہیں ہوں
یہ کس نے کہا صاحب کردار نہیں ہوں؟
واللہ! کہ دنیا سے میں بیزار نہیں ہوں
بس یہ ہے کہ میں اُس کا طلبگار نہیں ہوں!
خود اپنی عنایات کا مصلوب ہوں ایسا
شائستہ دام رسن و دار نہیں ہوں
دیوانہ ہوں، لاریب! ہوں دیوانہ و لیکن
یہ بات غلط ہے کہ میں ہشیار نہیں ہوں!
بے بال و پری میری زمانہ پہ عیاں ہے
وہ حال ہے میں اپنا ہی غمخوا ر نہیں ہوں
خود سے ہی مری جنگ ہے میدان خودی میں
اوروں سے تو میں بر سر پیکار نہیں ہوں
اک حرف محبت ہوں، ذرا پڑھ کے تو دیکھو
آساں نہیں تو ایسا بھی دشوار نہیں ہوں!
میں خود پہ عیاں ہوں سر ہنگامہ ہستی
سایہ کی طرح گُم پس دیوار نہیں ہوں!
ہوں خود سے بھی آگاہ، زمانہ سے بھی آگاہ
مومن ہوں پہ بیگانہ زنار نہیں ہوں
اپنی ہی حقیقت سے جو بیگانہ ہو “سرور“
ایسا تو میں مست مےء پندار نہیں ہوں!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرور عالم راز “سرور“
ایک تازہ غزلِ مسلسل لے کر حاضر ہو رہا ہوں۔ امید ہے کہ اگر پسند نہ بھی آئ تو ناپسند بھی نہیں ہوگی۔ اپنی رائے اور تاثرات سے آگاہ فرمائیے۔ شکریہ!
سرور عالم راز “سرور“
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غزل:
مجبور محبت ہوں گنہ گار نہیں ہوں
میں گردش ِ ہجراں کا سزاوار نہی ہوں
اک جام میں بہکے،میں وہ میخوار نہیں ہوں
یہ کس نے کہا صاحب کردار نہیں ہوں؟
واللہ! کہ دنیا سے میں بیزار نہیں ہوں
بس یہ ہے کہ میں اُس کا طلبگار نہیں ہوں!
خود اپنی عنایات کا مصلوب ہوں ایسا
شائستہ دام رسن و دار نہیں ہوں
دیوانہ ہوں، لاریب! ہوں دیوانہ و لیکن
یہ بات غلط ہے کہ میں ہشیار نہیں ہوں!
بے بال و پری میری زمانہ پہ عیاں ہے
وہ حال ہے میں اپنا ہی غمخوا ر نہیں ہوں
خود سے ہی مری جنگ ہے میدان خودی میں
اوروں سے تو میں بر سر پیکار نہیں ہوں
اک حرف محبت ہوں، ذرا پڑھ کے تو دیکھو
آساں نہیں تو ایسا بھی دشوار نہیں ہوں!
میں خود پہ عیاں ہوں سر ہنگامہ ہستی
سایہ کی طرح گُم پس دیوار نہیں ہوں!
ہوں خود سے بھی آگاہ، زمانہ سے بھی آگاہ
مومن ہوں پہ بیگانہ زنار نہیں ہوں
اپنی ہی حقیقت سے جو بیگانہ ہو “سرور“
ایسا تو میں مست مےء پندار نہیں ہوں!
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سرور عالم راز “سرور“
