ماہر القادری - ۔۔۔۔آتے ہیں

[کفایت ہاشمی]

۔۔۔۔۔آتے ہیں​

(جو کراچی کے ایک طرحی مشاعرے میں شاعر کی زبان سے فی البدیہہ سنی گئی)​

تاروں سے یہ کہہ دو کوچ کریں خورشید منور آتے ہیں
قوموں کے پیمبر آ تو چکے اب سب کے پیمبر ﷺ آتے ہیں

رستے میں جو پودے ملتے ہیں تعظیم کو جھک جھک پڑتے ہیں
کھل کھل کے گواہی دیتے ہیں مٹھی میں جو کنکر آتے ہیں

دربارِ نبی ﷺ جب گرم ہوا ' افلاکِ بریں سے آئی صدا
یہ قیصر و کسریٰ حاضر ہیں یہ طغرل و سنجر آتے ہیں

اے حامئ بیکس ! ختم رسل ﷺ ! یہ حال ہے تیری امت کا
دنیا میں کسی کی بھی ہو خطا الزام ہمیں پر آتے ہیں

کلیات ماہر القادری مرحوم ، ص119

 

[سید زبیر]

سبحان اللہ ،بہت عمدہ انتخاب

اے حامئ بیکس ! ختم رسل ﷺ ! یہ حال ہے تیری امت کا​

دنیا میں کسی کی بھی ہو خطا الزام ہمیں پر آتے ہیں​

جزاک اللہ کفایت ہاشمی

 

[محمد علم اللہ]

دنیا میں کسی کی بھی ہو خطا الزام ہمیں پر آتے ہیں
بہت خوب
ماہر القادری علیہ الرحمہ پر اللہ کی ہزار رحمتیں۔۔۔