مانگ لو برائے اصلاح

[ارشد چوہدری]

بحر (متدارک مثن سالم ) فاعلن فاعلن فاعلن فاعلن
٭٭٭٭٭٭٭٭٭٭٭٭٭٭٭٭٭
مانگ لو تم خدا سے خدا مانگ لو
ساری دنیا سے کچھ تو جدا مانگ لو
٭٭٭٭٭٭٭٭٭٭٭٭٭٭
مانگو گے تو ملے گا سبھی کچھ وہاں
مانگنے والو تم نورِ ھدی مانگ لو
٭٭٭٭٭٭٭٭٭٭٭
ہے ذکر رب کا ہی روح کی تو غذا
تم خدا سے یہ ہی اک غذا مانگ لو
٭٭٭٭٭٭٭٭٭٭٭٭٭
جو ملے گا تمہیں وہ خدا کی رضا (جو بھی ملتا ہے خدا کی رضا سے ہے بس )
تم خدا سے خدا کی رضا مانگ لو
٭٭٭٭٭٭٭٭٭٭
ہے یہ صدقہ نبی کا سارا جہاں
تم خدا سے نبی کی وفا مانگ لو
٭٭٭٭٭٭٭٭٭٭٭٭
روح تیری جو ارشد ہے کمزور سی
تم خدا سے تو اِس کی شفا مانگ لو
٭٭٭٭٭٭٭٭٭٭٭٭

 

[ارشد چوہدری]

الف عین

 

[ارشد چوہدری]

الف عین

 

[محمد ریحان قریشی]

مانگنے والو تم نورِ ھدی مانگ ل

"تم" زائد ہے. اس کی وجہ سے مصرع وزن سے گر رہا ہے. اسے ہٹا دیں.

ہے ذکر رب کا ہی روح کی تو غذا

ذِکْر کا درست تلفظ پر سکون 'ک' کے ساتھ ہے.

ہے یہ صدقہ نبی کا سارا جہاں

وزن درست نہیں. ایک متبادل یوں ہو سکتا ہے:
ہے نبی ہی کا صدقہ یہ سارا جہاں

 

[الف عین]

ریحان کے مشوروں کے علاوہ بنیادی غلطی پھر قوافی کی ہے خدا جدا اور اس کے ساتھ صوتی قافیہ ہدی بھی مان لیا جائے تو باقی قوافی بھی 'دا' پر ختم ہونے والے چاہیے محض الف پر ختم ہونے والے نہیں مطلع کا ایک قافیہ بدل دیں
تم خدا سے نبی کی وفا مانگ لو
یہ تو خطرناک بات ہو گئی یعنی یہ یہ خواہش ہے کہ نبی آپ کے ساتھ وفا داری کریں.!

 

[ارشد چوہدری]

استادِ محترم دراصل میں کہنا چاہتا تھا ( تم خدا سے نبی سے وفا مانگ لو ) سے کی تقرار سے بچنے کے لئے میں نے نبی کی وفا استمال کیا ہے ورنہ۔۔

 

[ارشد چوہدری]

الف عین