مانگے برائے اصلاح

[محمد بلال اعظم]

یعنی اب غزل یوں ہو گئی ہے:

ایک جگنو ہے کہ منزل کے حوالے مانگے​

ایک تتلی ہے کہ جگنو سے اُجالے مانگے​

​

ایک وہ حشر ہے جو دل میں بپا رہتا ہے​

اور اک دل ہے، زباں پر بھی جو تالے مانگے​

​

میری تصویر کے سب رنگ زوال آمادہ​

اور مرا یار کہ شہکار نرالے مانگے​

​

قیس کی آخرش اب دربدری ختم ہوئی​

آج تو لیلیٰ نے بھی دیس نکالے مانگے​

​

رسم کچھ ایسی چلی موسم گل میں کہ یہاں​

سب نے مانگے بھی تو بس خون کے پیالے مانگے​

​

جانے کس دور میں دھرتی پہ میں اترا ہوں بلال​

زندہ رہنے کے بھی انسان حوالے مانگے​