لگیچرز کے لُک اپس تیار کرنا!

شاکرالقادری

لائبریرین
دوسرا کام یہ ہے کہ ہر ترسیمہ کو صوتی کلیدی تختے کے مطابق نام دیجئے
مثلا اگر ترسیمہ ہے
نبیل
تو فونٹ فائل میں (یاد رہے اس کا وولٹ سے کوئی تعلق نہیں فی الوقت)
nbil

عارف میں بھی یہی وضاحت چاہتا تھا لیکن محسن کی مقتبسہ بالا تحریر سے تو یہی ظاہر ہوتا ہے کہ یہ ری نیمنگ فونٹ فائل میں کرنا ہوگی تاہم مزید کام کرنے سے پہلے اس کی مزید وضاحت کر لینا بہتر ہو گا
 

نبیل

تکنیکی معاون
شاکرالقادری صاحب، میں صرف اپنی کم علمی کے باعث یہ سمجھنے سے قاصر ہوں کہ فونٹ فائل کو وولٹ یا کسی اور پروگرام میں لوڈ کیے بغیر اس کی ری نیمنگ کیسے ممکن ہے؟

محسن کی مراد شاید یہ تھی کہ ابھی وولٹ پراجیکٹ‌ کی ضرورت نہیں ہے بلکہ صرف گلفس کے نام بدلنے کی ضرورت ہے۔
 

شاکرالقادری

لائبریرین
شاکرالقادری صاحب، میں صرف اپنی کم علمی کے باعث یہ سمجھنے سے قاصر ہوں کہ فونٹ فائل کو وولٹ یا کسی اور پروگرام میں لوڈ کیے بغیر اس کی ری نیمنگ کیسے ممکن ہے؟

محسن کی مراد شاید یہ تھی کہ ابھی وولٹ پراجیکٹ‌ کی ضرورت نہیں ہے بلکہ صرف گلفس کے نام بدلنے کی ضرورت ہے۔
نبیل فونٹ فائل کو فونٹ کرییٹر یا فونٹ بنانے کے کسی بھی سافٹ ویئر میں لوڈ کرنے کے بعد اس کے گلفس کے نام تجویز بھی کیے جا سکتے ہیں اور تبدیل بھی کیے جا سکتے ہیں
یہاں جو مسئلہ درپیش ہے
وہ یہ ہے کہ فونٹ کرییٹر میں گلفس کے نام تجویز کیے گئے لیکن جب اس فائل کو وولٹ میں کھولا گیا تو گلفس کے وہ نام ظاہر نہیں ہوئے جو فونٹ کرییٹر میں تجویز کیے گئے تھے بلکہ وولٹ میں اسی طرح گلفس نمبروں کے ذریعہ ﴿001﴾ ﴿002﴾ اس طرح ظاہر ہو رہے ہیں
جبکہ اگر اس فائل کو وولٹ میں لوڈ کر کے اس کے گلفس کو ری نیم کیا گیا تو اسے فونٹ کرییٹر میں کھولنے پر یہ نام ظاہر نہیں ہوئے


محسن سے پوچھنا یہ تھا کہ کیا فونٹ فائل کو وولٹ میں لوڈ کر کے گلفس کو ری نیم کیا جائے یا فونٹ کرییٹر میں ۔۔۔۔۔۔۔ تاکہ بعد میں کوئی مسئلہ نہ پیش ہو
اسی مسئلہ کی جانب عارف کریم دو تین بار اشارہ کر چکے ہیں
 

علوی امجد

محفلین
گلفس کے نام اگر بدلنا ہی ہے تو وہ صرف وولٹ ‌میں ہی ممکن ہیں۔ فانٹ کریٹر میں بدلے گے نام وولٹ نہیں مانتا۔ اس لئے وہاں اپنی انرجی ضائع نہیں کریں۔ تبھی تو عارف بھائی کے ٹائپ کردہ ناموں کو وولٹ میں کچھ بھی دیکھا نہیں رہا تھا۔

میں اپنے دوستوں سے پھر استدعا کروں گا کہ جب تک فانٹ کے تمام لیگیچرز کی ٹائپنگ مکمل نہ ہوجائے تو لیگیچرز کے نام ابھی نہ بدلیں اس سے ٹائپنگ میں بہت آسانی ہوجاتی ہے۔ بجائے آپ ایک ایک لیگیچرز کے نام ٹائپ کریں گے جس سے وقت ضیاع ہے۔ جب ٹائپنگ مکمل ہوجائے تو ایک دفعہ ھی سارے لیگیچرز کو ری نیم کیا جاسکتا ہے۔ اس سے وولٹ ورک میں کوئی تبدیلی نہیں آتی۔

میرا خیال ہے کہ میں اس تجربے سے گذر چکا ہوں اس لئے شائد غلط مشورہ نہیں دوں گا۔ باقی آپ لوگوں کی مرضی۔

میں نے ٹائپنگ کے لئے فانٹ کے تمام لیگیچرز کا ایک پرنٹ آؤٹ نکال لیا تھا جس میں گلفس کی نمبرنگ موجود تھی وہ سامنے رکھا اور بہت آسانی کے ساتھ ٹائپ کرلیا۔
 

شاکرالقادری

لائبریرین
مجھے جو مسائل درپیش ہیں وہ یہ ہیں:
1۔۔۔۔۔۔۔۔۔ فونٹ کرییٹر میں ترسیموں کے نام تبدیل کیے تو وہ وولٹ میں ظاہر نہیں ہوئے

2۔۔۔۔۔۔۔۔ ایک ہی فونٹ فائل میں تمام ترسیمے ڈال کر وولٹ میں ان کے نام بدلنے کی کوشش کی تو فائل بھاری ہونے کی وجہ سے سسٹم ہینگ ہو گیا

3۔۔۔۔۔۔۔۔ دو تین فونٹ فائلوں ﴿فائل1 ، فائل2، فائل3﴾ میں ترسیموں کو تقسیم کر کے انہیں باری باری وولٹ میں لوڈ کر کے ترسیموں کے نام بدلے اور یہ کام کرنے کے بعد فائل1 میں فائل2 اور فائل3 کو بذریعہ کاپی پیسٹ ضم کر دیا ضم کرنے کے بعد جب فائل1 کو وولٹ میں کھولا تو معلوم ہوا کہ فائل 2 اور فائل3 کے ترسیمے ری نیم نہیں ہیں صرف فائل1 والے ترسیموں کے نام ظاہر ہو رہے ہیں

اس سے بظاہر تو یہ لگتا ہے کہ تمام ترسیموں کو ایک ہی فائل میں ری نیم کیا جائے گا اور ظاہر ہے کہ ایک فائل پر ایک وقت میں ایک ہی بندہ کام کر سکتا ہے جو کہ ایک لمبی مدت کا متقاضی ہے کیا کوئی ایسا طریقہ ہے کہ یہ کام دو تین آدمی تقسیم کر لیں اور بعد میں اس کام کو یکجا کیا جا سکے
کیا کوئی صاحب اس سلسلہ میں رہنمائی کر سکتے ہیں؟؟؟
 

arifkarim

معطل
شکریہ قادری بھائی، تجربات کرنے کا! میرے خیال میں محسن بھائی صرف لگیچرز کو رینیم اسلئے کروانا چاہتے ہیں تاکہ بعد میں انہیں ایک پروگرام کے ذریعے سے سورٹ آوٹ کیا جا سکے۔ وولٹ کا تو اس سے کوئی تعلق ہی نہیں ہے۔ اور جیسا کہ آپنے دیکھا کہ وولٹ میں یہ کام صرف ایک بندے کا ہی ہے! اور یہ بھی نہیں پتہ کہ محسن کا وہ پروگرام وولٹ میں‌ری نیمگ کو سپورٹ بھی کرے گا کہ نہیں۔ اسلئے میری رائے میں محسن کی پوسٹ کا انتظار کیجئے۔
 

شاکرالقادری

لائبریرین
میں نے آج محسن حجازی سے ٹیلی فون پر بات کی اور اس سلسلہ میں تفصیلی گفتگو ہوئی تمام مسائل زیر بحث آئے اس گفتگو سے جو نکات مرتب ہوئے وہ یہ ہیں:
1۔۔۔۔۔۔۔ اس فونٹ کے لیے جدید ترین ان پیج کے ترسیمے حاصل کیے جائیں تاکہ ممکنہ حد تک زیادہ سے زیادہ ترسیمے دستیاب ہوں ۔
2۔۔۔۔۔۔۔ ان پیج کے ہی فونٹس استعمال کیے جائیں اور تمام لوگ کام کرنے کے لیے ان فونٹس کو آپس میں بانٹ لیں
3۔۔۔۔۔۔۔ ان پیج کے اصلی فونٹس جو کہ تقریبا 90 کی تعداد میں ہیں وہ ایف ٹی پی سائٹ پر اپلوڈ کر دیے جائیں اور ان کو آپس میں بانٹ لیا جائے اور کام کی تقسیم کے لیے ایک علیحدہ دھاگہ کھول کر اس میں ہر بندہ اپنے ذمہ لیا گیا کام پوسٹ کر دے تاکہ دوھری محنت سے بچا جا سکے﴾
﴿ میرے پاس ان پیج2.93 کے فونٹس موجود ہیں اور عارف کریم کے پاس بھی یقینا موجود ہیں ۔۔۔۔۔ عارف کریم آپ کے پاس سپیڈ بہت اچھی ہوتی ہے اگر آپ انہیں اپ لوڈ کر دیں تو بہت بہتر ہو گا ورنہ پھر میں کوشش کرونگا﴾
4۔۔۔۔۔۔۔ ان فونٹ فائلوں کو فونٹ کرییٹر میں یا ایشیا فونٹ سٹوڈیو میں لوڈ کر کے ان کے ترسیموں کو مقررہ طریقہ کے مطابق ری نیم کیا جائے
﴿ اس سلسلہ میں وضاحت کر دوں کہ ہمارے پاس ایشیا فونٹ سٹوڈیو کا جو قابل استعمال نسخہ موجود ہے اس میں ایک خرابی ہے کہ وہ فونٹ فائل کو اپنی ایکسٹنشن کے ساتھ محفوظ کرتا ہے جب اسے فونٹ جنریٹ کرنے کی کمانڈ دی جاتی ہے تو وہ ٹی ٹی ایف فائل جنریٹ کرنے میں ناکام ہو جاتا ہے اور اس کی وجہ یہ ہے کہ یہ کریک شدہ نسخہ ہے ۔۔۔۔۔ اس کے علاوہ فونٹ لیب سٹوڈیو ہے جو کہ صرف چھ ہزار تک ترسیموں کو سپورٹ کرتا ہے جبکہ فونٹ کریٹر میں یہ فائلیں لوڈ ہونے کے بعد پروگرام سست ہو جاتا ہے تاہم بہتر یہی ہے کہ فونٹ کرییٹر یا فونٹ لیب سٹوڈیو کو اس مقصد کے لیے استعمال کیا جائے ۔۔۔۔۔۔۔ ایشیا فونٹ سٹوڈیو کے موجودہ نسخہ کا استعمال بے سود ہوگا تاہم اگر اس کا کوئی جدید کریک شدہ نسخہ مل جائے جس میں یہ خرابی نہ ہو تو یہ سافٹ ویئر سب سے بہتر ہو گا کیونکہ یہ بڑی سے بڑی فونٹ فائل کو بھی انتائی سبک رفتاری سے لوڈ کرتا ہے﴾
5۔۔۔۔۔۔ ترسیموں کو ری نیم کرنے کے دوران آپ کو کئی ایسے ترسیمے ملیں گے جو نقاط کے بغیر ہونگے جن کے لیے نقاط کسی دوسے ترسیمہ میں موجود ہونگے ایسے ترسیموں کو شناخت کرنا ایک مشکل کام ہے بلکہ کسی حد تک ناممکن بھی ہے اس لیے ہم ایسے ترسیموں کو جوں کا تو چھوڑدیں گے اور انہیں کوئی نام نہیں دیا جائے گا یا انہیں ری نیم نہیں کیا جائے گا یہ ترسیمے بعد میں فونٹ ٹیسٹنگ کے دوران جوں جون سامنے آتے جائیں گے انیں فونٹ میں ڈالا جاتا رہے گا
6۔۔۔۔۔۔۔۔ جب ان پیج کے تمام فونٹس کے ترسیمے ری نیم ہو جائیں تو پھر انہیں کسی ٹول کی مدد سے آپس میں ضم کر کے ایک بڑی فونٹ فائل بنا لیا جائے گا۔
6۔۔۔۔۔۔۔ اگلے مرحلہ میں اس بڑی فونٹ فائل میں موجود ترسیموں کی انڈیکسنگ الفبائی ترتیب کے مطابق کی جائے گی تاکہ کسی بھی مرحلہ پر اگر کسی ترسیمہ سے متعلق کوئی ایرر ہو تو اس ترسیمہ کی تلاش میں آسانی رہے
7۔۔۔۔۔۔ اگلا مرحلہ آئے گا وولٹ ورک کے آغاز کا جس میں ترسیموں کے لیے لک اپس لکھے جائیں گے اور اس عمل کو آٹومیٹ کرنے کے لیے محسن حجازی اور نبیل کوئی چھوٹا موٹا اطلاقیہ لکھیں گے جس کی مدد سے یہ لک اپ وولٹ کے اندر رہتے ہو خود کار طور پر تخلیق کروائے جائیں گے جس میں غلطی کا امکان صفر فیصد ہوگا
8۔۔۔۔۔ اور سب سے آخری مرحلہ پر اس فونٹ میں پاک نوری نستعلیق کا ڈالنا ہوگا
 

arifkarim

معطل
شکریہ قادری بھائی۔۔۔۔ آپ کے پیش کردہ نکات پر کچھ کہنا چاہوں گا:
1۔۔۔۔۔۔۔ اس فونٹ کے لیے جدید ترین ان پیج کے ترسیمے حاصل کیے جائیں تاکہ ممکنہ حد تک زیادہ سے زیادہ ترسیمے دستیاب ہوں ۔


جدید ترین انپیج 3 یا 2،9 میں یہ مسئلہ ہے کہ ان میں پچھلے ورژنز کے مقابلے میں بہت سارے لگیچرز نقطوں‌کے بغیر ہیں، اور بہت سارے لگیچرز صرف نقطوں پر مشتمل ہیں۔ جنہیں‌مختلف فائلوں سے ڈھونڈھ کر جوڑنا ایک انسان کا کام نہیں۔ اس طرح ہمیں‌ نئے انپیج کے استعمال سے ترسیمے زیادہ نہیں بلکہ کم ملیں ‌گے۔:(

4۔۔۔۔۔۔۔ ان فونٹ فائلوں کو فونٹ کرییٹر میں یا ایشیا فونٹ سٹوڈیو میں لوڈ کر کے ان کے ترسیموں کو مقررہ طریقہ کے مطابق ری نیم کیا جائے۔

اس بارے میں پہلے بھی گزارش کر چکا ہوں ان دونوں پروگراموں میں ری نیمنگ کیلئے بار بار ماوس کا استعمال کرنا پڑتا ہے، جس سے کام سست ہو جاتا۔ کیا اس کام کیلئے کوئی اور آسان پروگرام نہیں استعمال کیا جاسکتا؟


8۔۔۔۔۔ اور سب سے آخری مرحلہ پر اس فونٹ میں پاک نوری نستعلیق کا ڈالنا ہوگا

یہاں پر آپ کی مراد شاید پاک نستعلیق ہے، کیونکہ پاک نوری نستعلیق تو نستعلیق نما پر بنا ہے، جو کہ نسخ فانٹ ہے۔
 

شاکرالقادری

لائبریرین
شکریہ عارف
تو پھر ان پیج 2000 کے ترسیمے ہی اپلوڈ کردو

اور ترسیموں کو ری نیم کرنے کے بارے تفصیل سے محسن سے گفتگو ہوئی انہوں نے کہا کہ یہ کام وولٹ میں نہیں کرنا بلکہ فونٹ کرییٹر یا ایشیا فونٹ سٹوڈیو میں کرنا ہے ممکن ہے ان پروگراموں میں کو ئی کی بورڈ شارٹ کٹ موجود ہو یہ دیکھنا پڑے گا
 

arifkarim

معطل
شکریہ عارف
تو پھر ان پیج 2000 کے ترسیمے ہی اپلوڈ کردو

اور ترسیموں کو ری نیم کرنے کے بارے تفصیل سے محسن سے گفتگو ہوئی انہوں نے کہا کہ یہ کام وولٹ میں نہیں کرنا بلکہ فونٹ کرییٹر یا ایشیا فونٹ سٹوڈیو میں کرنا ہے ممکن ہے ان پروگراموں میں کو ئی کی بورڈ شارٹ کٹ موجود ہو یہ دیکھنا پڑے گا

انپیج 2،4 کے تمام فانٹس یہاں اپلوڈ کر دئے ہیں:
ftp://urduweb.org/project/Fonts/Inpage 2000 Fonts/INPAGE24.rar

بعض فانٹس کا ایکسٹنشن .utf ہے، انکو کیسے کھولا جائے؟
دوسرا میں نے ایک بہتر ری نیمنگ پروگرام کیلئے ایک دوسرے فارم پر پوپچھا ہے، دیکھئے کیا جواب آتا ہے۔
 

شاکرالقادری

لائبریرین
عارف آپ کا مسئلہ حل ہو گیا ہے میں نے ابھی فونٹ لیب سٹوڈیو میں چیک کیا ہے ری نیم کے لیے آپ جس گلف پر موجود ہوں ﴿ \+ctrl﴾ کی شارٹ کٹ استعمال کر سکتے ہیں ری نیم کرنے کے بعد انٹر پریس کریں اور اگلے گلف پر جانے کے لیے ایرو کی کا استعمال کریں انتہائی تیز رفتاری سے یہ کام ہو سکتا ہے

یو تی ایف فائلیں بھی انہی پروگراموں میں اوپن ہو جاتی ہیں
 

نبیل

تکنیکی معاون
یہاں تو میرے آتے آتے شاکرالقادری صاحب اور عارف کریم نے گفتگو کو کہاں سے کہاں پہنچا دیا ہے۔ :)
شاکرالقادری صاحب، محسن سے رابطہ کرنے کا بہت شکریہ۔ اس سے ظاہر ہوتا ہے کہ آپ کس قدر شوق سے اس پراجیکٹ پر کام کر رہے ہیں۔ آپ کے پیغامات میں کہیں کہیں فونٹ گڑبڑ ہو جاتا ہے۔ اس کی کیا وجہ ہے؟
میرے لائق کوئی خدمت ہو تو ضرور بتائیں۔

عارف کریم کی بات سے مجھے خیال آیا ہے کہ ہمیں ٹائپو گرافی سے متعلقہ دوسری اچھی فورمز کے روابط اکٹھے کر لینے چاہییں تا کہ کسی مسئلے کی صورت میں وہاں سوال پوسٹ کیا جا سکے۔
 

شاکرالقادری

لائبریرین
یہاں تو میرے آتے آتے شاکرالقادری صاحب اور عارف کریم نے گفتگو کو کہاں سے کہاں پہنچا دیا ہے۔ :)
شاکرالقادری صاحب، محسن سے رابطہ کرنے کا بہت شکریہ۔ اس سے ظاہر ہوتا ہے کہ آپ کس قدر شوق سے اس پراجیکٹ پر کام کر رہے ہیں۔ آپ کے پیغامات میں کہیں کہیں فونٹ گڑبڑ ہو جاتا ہے۔ اس کی کیا وجہ ہے؟
میرے لائق کوئی خدمت ہو تو ضرور بتائیں۔

عارف کریم کی بات سے مجھے خیال آیا ہے کہ ہمیں ٹائپو گرافی سے متعلقہ دوسری اچھی فورمز کے روابط اکٹھے کر لینے چاہییں تا کہ کسی مسئلے کی صورت میں وہاں سوال پوسٹ کیا جا سکے۔

لیکن میرے پاس تو میرے پیغامات درست ظاہر ہو رہے ہیں:confused:

گوگل کا پاک ٹائپ گروپ اس قسم کے سوالات کے لیے بہترین فورم ہے
 

arifkarim

معطل
عارف آپ کا مسئلہ حل ہو گیا ہے میں نے ابھی فونٹ لیب سٹوڈیو میں چیک کیا ہے ری نیم کے لیے آپ جس گلف پر موجود ہوں ﴿ +ctrl﴾ کی شارٹ کٹ استعمال کر سکتے ہیں ری نیم کرنے کے بعد انٹر پریس کریں اور اگلے گلف پر جانے کے لیے ایرو کی کا استعمال کریں انتہائی تیز رفتاری سے یہ کام ہو سکتا ہے

یو تی ایف فائلیں بھی انہی پروگراموں میں اوپن ہو جاتی ہیں

شکریہ۔۔۔۔۔۔۔ ایک مسئلہ پچھی بار رینیمگ میں یہ آیا تھا کہ بعض لگیچرز کھڑی مد اور ہمزہ کیساتھ ہیں مثلا رحمٰن۔ ایسے لگیچرز کو کیسے ٹائپ کیا جائے؟ کیا ہمزہ اور کھڑی زبر کو بھی نبیل کے فراہم کردہ چارٹ کے مطابق کوئی قدر دی جائے یا اسکی پرواہ کیے بغیر، خالی حروف پر توجی دی جائے؟
 

نبیل

تکنیکی معاون
شاکرالقادری صاحب اور باقی دوست، دوسری ٹائپو گرافی کی فورمز پر اپنے سوالات پوسٹ کرتے ہوئے اتنی احتیاط ضرور کریں کہ اس پراجیکٹ کی تفصیلات منظر عام پر نہ آنے پائیں۔ :)

یاہو کے پاک ٹائپ گروپ کے علاوہ وولٹ کا ایم ایس این گروپ بھی اس مقصد کے لیے مفید ثابت ہو سکتا ہے۔ اس کے علاوہ ٹائپوفائل پر بھی مفید معلومات مل سکتی ہیں۔ اس ربط پر بھی ٹائپوگرافی سے متعلق گفتگو کی جا سکتی ہے۔
 

نبیل

تکنیکی معاون
یہاں میں ایک اور سوال پوچھنا چاہ رہا تھا۔ اگر ایک سے زیادہ لوگ فونٹ فائل میں ترسیمہ جات ٹائپ کر رہے ہوں تو اس کام کو اکٹھا کیسے کیا جا سکتا ہے؟

شاکرالقادری صاحب اور عارف، آپ نے ترسمیہ جات ٹائپ کرنے کا کام کیسے بانٹا ہوا ہے؟ اگر آپ نے ان پیج کے فونٹس ایک فائل میں اکٹھے کر لیے ہیں تو مجھے بھی اس فائل کا ربط بتا دیں اور اگر میں اس کام میں حصہ لے سکتا ہوں تو مجھے بھی ترسیمہ جات کی کوئی رینج سونپ دیں۔ ویسے تو قیصرانی بھی کہہ رہے تھے کہ وہ بھی اس کام میں ہاتھ بٹا سکتے ہیں۔ :)
 

نبیل

تکنیکی معاون
میں نے ابھی ترسمیہ جات کی ری نیمنگ کے سلسلے میں کچھ کام کیا ہے، اس سلسلے میں کچھ سوالات سامنے آتے رہیں گے۔
اگر ہم اوپن پیڈ کی صوتی کی میپنگ کو استعمال کر رہے ہیں تو اس کے اعتبار سے 'لئے' ترسیمے کا نام luy بنے گا، کیا یہ درست ہے؟
 

نبیل

تکنیکی معاون
مجھے ابھی احساس ہوا ہے کہ اوپن پیڈ کی صوتی کی میپنگ کو ترسیمہ جات کی ری نیمنگ میں استعمال کرنے میں ایک مسئلہ ہے اور وہ یہ کہ اس صوتی کی میپنگ میں کچھ حروف آلٹ کی کمبینیشن پر میپ کیے گئے ہیں۔ اس طرح انہیں ری نیمنگ میں استعمال نہیں کیا جا سکے گا۔ اس کے لیے کوئی اور حل دریافت کرنے کی ضرورت ہے۔ اس کا اندازہ مجھے اس وقت ہوا جب مجھے کھڑی زیر سے متعلقہ کنجی کی ضرورت پڑی۔ میرے خیال میں ہمیں ساتھ ساتھ اس کا معیار بھی متعین کرتے رہنا چاہیے۔ ان پیج میں کھڑی زیر کے لیے کون سی کنجی استعمال ہوتی ہے؟
 
Top