لاہور میں ہوا 32 واں بین الاقوامی کتاب میلہ !

محمد عدنان اکبری نقیبی نے 'مطالعہ کتب' کی ذیل میں اس موضوع کا آغاز کیا، ‏فروری 8, 2018

  1. محمد عدنان اکبری نقیبی

    محمد عدنان اکبری نقیبی محفلین

    مراسلے:
    5,018
    جھنڈا:
    Pakistan
    موڈ:
    Cheerful
    [​IMG]

    کہا جاتا ہے کہ کتاب بہترین دوست ہے، یہ اس وقت بھی آپ کا ساتھ نہیں چھوڑتی جب ساری دنیا آپ کو تنہا کر دیتی ہے. کتاب آپ کی تنہائیوں کی بہترین ساتھی اور بہترین مونس و غم خوار ہے. یہ خیالات ہماری اس نسل کے ہیں جنہوں تعلیم و تربیت، جگنو، نونہال پڑھ پڑھ کر لڑکپن کی منزلیں طے کیں اور اشتیاق احمد، نسیم حجازی، بانو قدسیہ کو پڑھتے پڑھتے ابن صفی تک جا پہنچے۔

    [​IMG]

    اس دور میں پاک و ہند کی تاریخ کا بہترین ڈرامہ بنا بلاشبہ اسے ایک سنہری دور کہا جا سکتا ہے کہ جب ہم موسموں کو ان کی گرمی سردی سمیت انجوائے کرتے تھے۔ آج کی نسل کتاب پڑھنے کی بجائے پی ڈی ایف فائل کو اسمارٹ فون یا لیپ ٹاپ پر پڑھنا پسند کرتی ہے اس کے سامنے جب ہم ایسی باتیں کرتے ہیں تو وہ ہمیں اس طرح دیکھتے ہیں جیسے ہماری ذہنی صحت ان کی نظر میں مشکوک ہو۔

    [​IMG]

    لاہور میں 32 واں بین الاقوامی کتاب میلہ اختتام پذیر ہوا، میں اپنے بچپن سے ہر سال اس کتاب میلے کا شدت سے انتظار کیا کرتا تھا اور اب اپنے بچوں کے ساتھ جانا بہت اچھا لگتا ہے،کسی زمانے میں اس کو بین لاقوامی کہا جا سکتا تھا لیکن اب ایسا دعویٰ کرنا مناسب نہیں ہے۔
    [​IMG]
    دو تین سال پہلے تک ہمسایہ ملک بھارت کے کافی اسٹالز نظر آتے تھے اس مرتبہ ایک بھی اسٹال نظر نہیں آیا، البتہ کراچی سمیت ملک بھر کے بڑے پبلشرز اپنی کتابوں سمیت موجود تھے۔اہل لاہور پنجاب یونیورسٹی کے کتاب میلے سے دو تین سال سے سیکورٹی مسائل کی وجہ سے محروم ہیں۔
    لانگ ویک اینڈ کی وجہ سے لاہور میں دوسرے شہروں سے آئے لوگ موجود نہ تھے اس لیے لوگوں کی بڑی تعداد دیکھنے میں نہ آئی جیسا کہ ہمیشہ ہوتا آیا ہے اس کے باوجود زندہ دلان لاہور نے لاکھوں روپے کی کتابیں خرید کر اس تاثر کو زائل کیا کہ لوگ کتاب دوست نہیں رہے۔
    کتاب میلے میں لوگ مہنگی کتابوں کی شکایت کرتے دکھائی دیے،پبلشرز کو چاہیے کہ وہ کتاب کو لوگوں کی قوت خرید سے باہر نہ جانے دیں،پانچ دن کے اس کتاب میلے میں ہزاروں افراد نے شرکت کی اور زیادہ تر لوگ اپنی فیملیوں کے ہمراہ آئے، بڑے بڑے ادیب، دانشور، شاعر اور سیاسی افراد بھی ہمیں اس کتاب میلے میں کتابیں خریدتے نظر آئے۔بلاشبہ یہ ایک دلچسپ تجربہ ہوتا ہے جس کا لاہوریے سال بھر شدت سے انتظار کرتے ہیں۔
    محمد زابر سعید بدر
     
    • پسندیدہ پسندیدہ × 4
    • معلوماتی معلوماتی × 2
  2. سحرش سحر

    سحرش سحر محفلین

    مراسلے:
    39
    جھنڈا:
    Pakistan
    کاش...! ایسے میلے ہر چھوٹے بڑے شہر میں ہَوں اور بار بار ہوں ۔
     
    • دوستانہ دوستانہ × 1

اس صفحے کی تشہیر