لائبریری سائٹ : فرنٹ پیج

نبیل

تکنیکی معاون
کیا یہ بہتر نہیں ہوگا کہ ایک تھریڈ محض لائبریری پراجیکٹ کے مکمل شدہ اور زیر تکمیل متون کی فہرست کے لیے مختص کر دیا جائے جسے صرف لائبریری پراجیکٹ کے منتظمین اپڈیٹ کر سکیں؟ اس طرح کم از کم چیزیں گم تو نہیں ہو جائیں گی۔
 

سیدہ شگفتہ

لائبریرین
آب گم تو موجود ہے ۔ اسی طرح دوسرے متون بھی ۔ جب تک تمام متون لائبریری سائٹ پر منتقل نہیں ہو جاتے یہاں فورم پر تھریڈز اسی طرح اصل حالت میں رہیں گے جس طرح اراکین نے مختلف پوسٹ کیے ہیں۔

ہر زمرہ میں تکمل شدہ متون کے لیے تھریڈز موجود ہیں اور اراکین سے کہا گیا تھا کہ ہر متن کے مکمل ہوجانے کی نشاندہی متعلقہ زمرہ میں موجود تھریڈ پر دے دیا کریں۔ اسی طرح اگر کسی متن پر ٹیم ورک نہیں بلکہ ایک ہی رکن نے تمام کام کیا ہے ، یا کسی متن پر ٹیم ورک ہے لیکن کام صرف ایک ہی تھریڈ پر پوسٹ کیا گیا ہے تو اس تھریڈ کے آخر میں اختتام لکھنا ضروری ہے۔

نبیل بھائی ایک تجویز کچھ وقت پہلے کیٹلاگ کی ذکر کی تھی ۔ میں اور قیصرانی صاحب ابھی ابن صفی پر اس حوالے سے کام کر رہے ہیں۔ ایک ہفتہ تک ابن صفی کی اسکینگ مکمل ہو جائے گی ۔ اس دوران دوسرے متون کے لیے بھی وقت نکالا جا سکتا ہے ۔ لائبریری کی موڈریشن کا اختیار باقی جن اراکین کے پاس ہے آپ اگر فرصت سے ہیں تو بتائیں پلیز ۔
 

ماوراء

محفلین
شگفتہ، باغ و بہار کا تعارف۔۔۔وکی پیڈیا سے لیا ہے۔ :p


باغ و بہار


باغ وبہار میرامن دہلوی کی داستانوی کتاب ہے جو کہ ان نے فورٹ ولیم کالج میں گلکرسٹ کی فرمائش پر لکھی۔
باغ و بہار فورٹ ولیم کالج کی دین ہے جو کہ انگریزوں کو مقامی زبانوں سے آشنا کرنے کے لئے قائم کیا گیا تھا۔ میرامن نے باغ و بہار جان گل کرائسٹ کی فرمائش پر نو طرز مرصع از تحسین سے ترجمہ کی۔ اور اس طرح یہ داستان اردو نثر میں ایک سنگ میل کی حیثیت رکھتی ہے۔ اس لئے کہ اردو نثر میں پہلی مرتبہ سلیس اور آسان عبارت کا رواج ہوا جو کہ اسی داستان کی وجہ سے ممکن ہوا۔ آگے چل کر غالب کی نثر نے اس کمال تک پہنچا دیا۔ اس لئے تو مولوی عبدالحق کا کہنا ہے کہ اردو نثر کی ان چند کتابوں میں باغ و بہار کو شمار کیا جاتا ہے جو ہمیشہ زندہ رہنے والی ہیں اور شوق سے پڑھی جائیں گی۔

داستانوں میں جو قبو ل عام باغ و بہار کے حصے میں آیا ہے۔ وہ اردو کی کسی اور داستان کو نصیب نہیں ہوا ۔ عوام اور خواص دونوں میں یہ داستان آج بھی اتنی ہی مقبول ہے جتنی آج سے پونے دو سو برس پہلے تھی۔ اس کی غیر معمولی مقبولیت کی سب سے بڑی وجہ اس کا دلکش اور دلنشین انداز بیان ہے۔ جو اسے اردو زبان میں ممتاز مقام عطا کرتا ہے۔

--------------

شگفتہ، کیا ہم ٹیم ورک کی تفصیلات بھی لکھ سکتے ہیں؟ جیسے کس کس نے اس کر برقیا۔۔پروف ریڈنگ کس نے کی، اور کتنے عرصے میں برقیایا۔وغیرہ وغیرہ۔
 

ماوراء

محفلین
کیا یہ بہتر نہیں ہوگا کہ ایک تھریڈ محض لائبریری پراجیکٹ کے مکمل شدہ اور زیر تکمیل متون کی فہرست کے لیے مختص کر دیا جائے جسے صرف لائبریری پراجیکٹ کے منتظمین اپڈیٹ کر سکیں؟ اس طرح کم از کم چیزیں گم تو نہیں ہو جائیں گی۔
تھریڈ تو شاید شگفتہ نے پہلے ایک کھولا بھی ہوا ہے، لیکن مسئلہ اسے اپڈیٹ کرنے کا ہے۔
اور آبِ گم تو موجود ہے۔ محب کو پتہ نہیں دکھائی کیوں نہیں دے رہی۔
 
Top