فورم کا سٹائل

[نبیل]

عزیز دوستو، السلام علیکم۔ مجھے مستقبل قریب میں ایک اور چیلنج کا سامنا ہوگا اور اس سے نبٹنے میں مجھے آپ کی مدد کی ضرورت ہوگی۔ جب سے محفل فورم سیٹ اپ ہوئی ہے یہ اپنے ڈیفالٹ سٹائل subSilver پر سیٹ ہے۔ اب میرے خیال میں وقت آ گیا ہے کہ اس ڈیفالٹ سٹائل سے آگے بڑھا جائے۔ اگرچہ پی ایچ پی بی بی کے بہت سے خوبصورت سٹائل انٹرنیٹ پر ملتے ہیں لیکن ان سٹائلز پر سویچ کرنا اتنا آسان نہیں ہے۔ اس کی وجہ یہ ہے کہ کسی بھی سٹائل کو اپنانے سے پہلے اس میں وہ تمام تبدیلیاں کرنی پڑیں گی جو کہ اس فورم کے اپگریڈ اور مختلف MODs کے انسٹال کرنے کے دوران کرنی پڑی تھیں۔ یہ کام کافی پیچیدہ بھی ہو سکتا ہے کیونکہ دوسری ٹمپلیٹس کا سٹرکچر سب سلور سے بہت مختلف ہوتا ہے۔ دوسری وجہ یہ ہے کہ پی ایچ پی بی بی کے تمام موڈ سب سلور کو معیار سمجھ کر بنائے جاتے ہیں۔ دوسری ٹمپلیٹس پر ان موڈز کو انسٹال کرنا non trivial ہے۔ میرے خیال میں بہتر راستہ یہی ہے کہ موجودہ سب سلور سٹائل کی کلر سکیم اور گرافکس میں ہی ردوبدل کرکے اسے بہتر بنایا جائے۔

فورم کے سٹائل میں تبدیلی کی سب سے بڑی ضرورت فونٹ کا سائز ہے۔ جب میں نے فورم سیٹ اپ کی تھی تو دوستوں نے شور مچا دیا تھا کہ فونٹ کا سائز بہت چھوٹا ہے اور ٹیکسٹ بالکل نظر نہیں آ رہا ہے۔ مجبوراً میں فورم کے تمام صفحات پر فونٹ کا سائز بڑا کر دیا۔ اس وقت پوسٹ کی عبارت میں پوائنٹ سائز 18 ہے۔ فورم پر استعمال ہونے والے فونٹ اردو نسخ ایشیا ٹائپ کے ساتھ مسئلہ ہے کہ یہ مدھم ہے اور اس کے پس منظر کا رنگ احتیاط سے منتخب کرنا پڑتا ہے تاکہ یہ صحیح طرح نظر آئے۔ مجھے لگتا ہے کہ سب سلور کا ڈیفالٹ بیک گراؤنڈ بھی اردو نسخ ایشیا ٹائپ کے لیے موزوں نہیں ہے۔ بڑے پوائنٹ سائز کی وجہ سے انفارمیشن کی presentaion پر فرق پڑ رہا ہے۔

جیسا میں کہہ رہا تھا کہ فورم پر پوسٹ کا ٹیکسٹ 18 پوائنٹ سائز ہے جبکہ میرا goal ہے پوائنٹ سائز 12 میں ٹیکسٹ پیش کرنا۔ کیا کہا۔۔بہت چھوٹا ہے؟ جناب بی بی سی اردو کا ویب پیج تو آپ اسی پوائنٹ سائز میں برضا و رغبت دیکھتے ہیں تو یہاں بھی اس پوائنٹ سائز کا استعمال ممکن ہونا چاہیے۔ اب مجھے اس سلسلے میں آپ لوگوں کی مدد درکار ہے۔ ویب ڈیزائن کا علم رکھنے والے مجھے بتائیں کہ کونسے بیک گراؤنڈ اور فورگراؤنڈ کلر سے اردو نسخ ایشیا ٹائپ فونٹ کے لیے بہترین contrast حاصل ہوگا۔

فورم کے سٹائل کو 12 پوائنٹ سائز پر ایڈجسٹ کرنا میرے نزدیک سب سے اہم چیلنج ہے۔ جہاں تک باقی گرافکس کا تعلق ہے تو وہ تو ادھر ادھر سے چرا کر بھی لگائی جا سکتی ہیں۔

 

[زیک]

عام طور سے رنگ اور brightness میں contrast کا خیال رکھا جاتا ہے جیسے کہ ادھر دیا ہوا ہے۔ مگر ایشیاٹائپ کا مسئلہ اس سے بڑا ہے۔ معلوم نہیں وہ کس طرح بہتر لگے گا۔

ایک طریقہ تو یہ ہو سکتا ہے کہ php میں پروگرام لکھا جائے جو مختلف رنگوں کو آپ کو دکھائے اور آپ visually اسے چیک کریں۔

 

[شارق مستقیم]

کچھ خیالات

اردو کے فونٹ چونکہ خود ہی مدھم ہوتے ہیں اس لئے فور گراؤنڈ میں تو کالے کے علاوہ کوئی رنگ استعمال کرنا مشکل ہوگا ورنہ سچ یہ ہے کہ کالا رنگ آنکھ پر زور ڈالتا ہے اور اب اکثر سائٹیں گرے رنگ کا ایک ڈارک شیڈ استعمال کرتی ہیں جو آنکھوں کو ٹھنڈا محسوس ہوتا ہے۔ ملاحظہ ہو یہ صفحہ::

http://blogs.sun.com/jonathan

باقی فونٹ سائز آپ دیکھ لیں میں اپنی سائٹ پر عام اردو تحریر کے لئے یہ سٹائل استعمال کر رہا ہوں:

.urduText {
	color: #000000/*666666*/;
	font-size: 18px;
	line-height: 24px;
	font-family: "Urdu Naskh Unicode", "Urdu Naskh Asiatype", "Nafees Web Naskh", Tahoma, "Arial Black";
}

اس میں بھی سائز 18 ہی رکھا ہے۔

کیا phpBB میں بھی اس طرح کی کوئی آفاقی سیٹنگ نہیں؟

 

[نبیل]

شارق، پی ایچ پی بی بی میں منتخب کی گئی ٹمپلیٹ یا تھیم کی سٹائل شیٹ استعمال ہوتی ہے۔ اس وقت محفل فورم کی ڈیفالٹ سب سلور ہے اور سب ممبران اسی کو استعمال کر رہے ہیں کیونکہ اس کے علاوہ کوئی اور ٹمپلیٹ یہاں شامل ہی نہیں ہے۔ سب سلور کی سٹائل شیٹ میں اردو ٹیکسٹ کے لیے زیادہ تر ذیل کے سٹائل استعمال ہو رہے ہیں:

[syntax:8f3f9f1606="css"]
.gen { font-size : 18px; font-family:Urdu Naskh Asiatype, Tahoma, Microsoft Sans Serif;}
.genmed { font-size : 18px; font-family:Urdu Naskh Asiatype, Tahoma, Microsoft Sans Serif;}
.gensmall { font-size : 16px; font-family: Urdu Naskh Asiatype, Tahoma, Microsoft Sans Serif;}
[/syntax:8f3f9f1606]

اصل مسئلہ لیکن یہی ہے کہ میں اردو نسخ ایشیا ٹائپ استعمال کرنا چاہتا ہوں اور وہ بھی چھوٹے پوائنٹ سائز پر۔ 18 پوائنٹ سائز پر کونٹینٹ بہت پھیل جاتا ہے۔ فورم کی اپگریڈ کے بعد ہر پیج کے بائیں جانب مینو بار ہونے کی سہولت ضرور ہے لیکن اس سے فورم انڈکس عمودی جانب پھیل گئی ہے۔ میں ایسے سٹائل کی تلاش میں ہوں جس سے کونٹینٹ کی presentation بھی ٹھیک ہو اور ٹیکسٹ بھی صحیح نظر آئے۔

 

[شارق مستقیم]

سہولت

اگر آپ سمجھتے ہیں کہ بی بی سی والے سائز پر سائٹ مناسب لگے گی تو اس فونٹ سائز پر کچھ ٹیسٹ پیج بناکر اپلوڈ کردیں اور احباب سے مشورہ کرلیں۔ اوپیرا اور فائر فاکس کے استعمال کرنے والون کو بہرحال یہ سہولت رہے گی کہ وہ چھوٹے فونٹ سائز کے صفحے کو بھی تیزی سے ( + Ctrl ) کے ذریعے زوم کر سکتے ہیں۔

 

[زیک]

کیونکہ اس کے علاوہ کوئی اور ٹمپلیٹ یہاں شامل ہی نہیں ہے

اس وقت morpheus اور ptifo بھی نظر آ رہی ہیں مگر یہ ناقابل استعمال ہیں۔ میرا خیال ہے ہمیں انہیں نکال دینا چاہیئے کم از کم morpheus کو۔

میرا خیال ہے فونٹ کو 14 پر کر دیں۔ رنگوں میں الفاظ کا رنگ کالا ٹھیک رہے گا اور بیک گراونڈ کے لئی سفید نہیں مگر سفید سے قریب ‎#f0f0f0 سے لے کر ‎#ffffff تک ٹرائی کریں۔

 

[نبیل]

شکریہ زکریا۔ میں ٹرائی کرتا ہوں اس کلر رینج کو۔ جن دو ٹمپلیٹس کا آپ نے ذکر کیا ہے انہیں ہٹا ہی دیا جانا چاہیے۔