فلسطین ہمیشہ آباد رہو کہ تمہیں آباد رہنا ھو گا

طاھر جاوید

محفلین
تختِ برتری پہ براجماں زور آوروں نے آج پھر
یو این او میں
اک اُٹھتی ھوی صدائےآتش نما کو
سرد مہری کے بےحد ٹھنڈے رویوں کی لےسے بُجھا دیا ھے
بھرے جہاں میں اُن کا نمائیندہ کس غرور سے کہیہ رھا ھے
سنو۔۔۔۔۔۔۔۔۔۔ ہم نے پھر سے
تمہاری تمنا کے اُفق کو بے زمیں و بے سماں رکھنے کا فیصلہ کیا ہے
کوئی حصہ، کوئ خطہ
اس خاکِ یکساں کی زمیں کا
تُم سمجھتے کیوں نہیں
تمہارے لیے ابھی موزوں نہیں
زور آوروں کا نمائیندہ
غرور کے کس قدر دوٹوک لفظوں کی سرشاری میں گویا ھوا ھے کہ تم
کیوں فلسطین مانگتے ھو۔۔۔۔۔۔۔۔۔۔
تمہاری میراث میں تو ہم نے کب سے
چادرِ ایام کی بوسیدگی اور
نہ بستی بستیوں کی بیوگی لکھی ہوئ ھے
ھم قصور وار کہاں کہ تم نے
خوابِ فراز ھم سے پوچھ کر کیوں نہیں دیکھا
تمہاری خطا اور تمہاری سزا میں
اب ہم نے فیصلہ کیا ہے
خاکِ یکساں کا کوئ حصہ، کوئی خط
ابھی فلسطین کے لیے موزوں نہیں ھے
ابھی جاَو اور اپنی پرچھائیوں کو
اپنے جسموں کے ساتھ باندھ کر ہماری ، ہاں ، کا اِنتظار کرو


فلسطینیوں ابھی،،،،،،،، ابھی انتظار کرو
کہ جب
بے بازو جوانوں کے سامنے رکھی کُمانیں
خود بخوود چل اُٹھیں گی
بے انتہا جبر میں
آنکھوں میں بسے ننگے خنجروں کے عکس
منظروں کی سانس چرانے لگیں گے تو
یہ بے صدا ، بے اد لمحے
تمہاری بے انداز جُراتوں کے گلے میں
بحرحال۔۔۔۔۔۔۔۔۔۔۔۔۔۔
جنت کے پھولوں کے ہار
بے مہار ڈالنے آئیں گے مگر
بس یاد رکھنا۔۔۔۔۔۔۔۔۔۔۔۔
پھیلی ھوئ مایوسییوں کی جھولی میں
جذبوں کی نیاز، مُٹھیاں بھر بھر کے ڈالنا مت بُھولنا
میں مگر خوش ھوں کہ
کہ کئی جنگوں کے جابر فاتحوں کے سامنے
ہےسینہ سُپر زِیر دستوں کی انا
مرحبا ۔۔۔ مرحبا
 
آخری تدوین:
Top