محمد عدنان اکبری نقیبی
لائبریرین
کیا آپ کے فریج یا گھر میں فریزر ہے؟ تو اسے کس مقصد کے لیے استعمال کرتے ہیں؟
یقیناً غذائی اشیاءکو منجمد کرنے کے لیے تاکہ وہ جلد خراب نہ ہوسکیں تاہم ایسا کرتے ہوئے آپ بہت کچھ سے محروم بھی ہوجاتے ہیں۔
جی ہاں فریزر کی مدد سے آپ بہت کچھ ایسا کرسکتے ہیں جس کا آپ نے ہوسکتا ہے کبھی تصور بھی نہ کیا ہو۔
سیل لفافے کو کھولیں
کسی سیل بند لفافے کو بغیر کچھ پھاڑے کھولنا چاہتے ہیں تو اسے ایک پلاسٹک بیگ میں ڈال کر ایک سے دو گھنٹے کے لیے فریزر میں رکھ دیں۔ پھر اسے باہر نکالیں اور فوری طور پر چھری سے اسے کھول لیں۔ ایک بار جب لفافے تک کمرے کا درجہ حرارت پہنچ جائے گا تو اس کی سیل دوبارہ ری سیٹ ہوجائے گی۔
سویٹرز یا بیڈ شیٹس پر موجود کیڑوں سے نجات
یہ کیڑے فریزر کے درجہ حرارت میں بچ نہیں پاتے، اپنے سویٹرز یا بیڈ شیٹس وغیرہ جیسی چیزوں کو کسی بڑے پلاسٹک بیگ میں ڈال کر رات بھر کے لیے فریزر میں رکھ دیں اور پھر دھو لیں۔ آپ کے یہ کپڑے فریش اور مٹی سے پاک ہوجائیں گے۔
موم بتیوں کی زندگی بڑھائیں
موم بتیوں کو کسی موقع پر جلانے سے ایک دن قبل فریزر میں رکھ دیں اور پھر نکال کر جلائیں تو اس کی زندگی میں دوگنا اضافہ ہوجائے گا۔ موم کو ٹھنڈا کرنے سے وہ سست روی سے جلتا ہے اور کچھ موم بتیوں میں تو موم ٹپکتا بھی نہیں۔
جینز کو بغیر پانی کے صاف کریں
جینز کی پتلونوں کو دھونا اتنا آسان نہیں ہوتا اور ان کے نہ سکڑنے کی بھی ضمانت نہیں ہوتی۔ اس کے مقابلے میں جب جینز میں پہننے کی وجہ سے بو پیدا ہوجائے تو اسے ایک کینوس بیگ میں ڈال کر رات بھر کے لیے فریزر میں رکھ دیں۔ ٹھنڈا درجہ حرارت جلدی خلیات سے پتلون میں منتقل ہونے والے ان بیکٹریا کو ختم کردے گا جو بو کا باعث بنتے ہیں۔
پلاسٹک کی ریپنگ کو آسان بنائے
اگر تو پلاسٹک ریپنگ کی شیٹ کسی جگہ پھنس گئی ہے تو اسے کچھ منٹ کے لیے فریزر میں رکھ دیں۔ مشین کی ٹھنڈک اس کے چپکنے کی صلاحیت کم کردے گی اور اس کو اتارنا آسان ہوجائے گا (تاہم کچھ منٹ تک ہی ٹھنڈا کریں ورنہ پلاسٹک کہیں بھی چپک نہیں سکے گا)۔
بیجوں کو محفوظ کریں
اگر آپ کو باغبانی کا شوق ہے اور کافی مقدار میں بیج موجود ہیں تو ان کے تحفظ کے لیے اگلے سیزن سے قبل بچ جانے والے بیجوں کو فریزر میں رکھ دیں۔ مگر پہلے یہ یقین کرلیں کہ بیج خشک ہیں اور پھر انہیں ائیرٹائٹ ڈبے میں ڈال کر فریزر میں رکھ دیں، پھر جب ضرورت ہو نکال کر استعمال کرلیں۔
