حسرت موہانی غضب ہے کہ پابندِ اغیار ہوکر

[طارق شاہ]

​

تقاضۂ غیرت​

مولانا حسرت موہانی​

​

غضب ہے کہ پابندِ اغیار ہوکر ​

مُسلمان رہ جائیں یوں خوار ہو کر​

​

سمجھتے ہیں سب اہلِ مغرب کی چالیں ​

مگر پھر بھی بیٹھے ہیں بیکار ہو کر​

​

اُٹھے ہے جفا پیشگانِ مُہذّب ​

ہمارے مِٹانے پہ تیار ہوکر​

​

تقاضائے غیرت یہی ہے عزیزو! ​

کہ ہم بھی رہیں اِن سے بیزار ہو کر ​

​

ابھی ہم کو سمجھے نہیں اہلِ مغرب ​

بتادو اِنہیں گرم پیکار ہو کر​

​

فریب ودغا کہ مُقابِل میں تم بھی ​

نِکل آؤ بے رحم و خونخوار ہو کر​

​

کہیں صلح و نرمی سے رہ جائے دیکھو ​

نہ یہ عقدۂ جنگ، دُشوار ہو کر​

​

وہ ہم کو سمجھتے ہیں احمق، جو حسرت ​

وفا کے ہیں طالِب، دل آزار ہو کر​

​

مولانا حسرت موہانی​

​

1947 سے قبل کی نظم ​

(آزادی سے پہلے کی نظم )​

​

 

[سید زبیر]

تقاضائے غیرت یہی ہے عزیزو!
کہ ہم بھی رہیں اِن سے بیزار ہو کر
بہت خوب ۔ ۔ ۔ اعلیٰ کلام منتخب کیا ہے ۔ ۔ مگر ہم کب اس پر عمل پیرا ہونگے ۔آج بھی وہی سات دہائیوں قبل والی صورت حال ہے
کلام کی شراکت کا بہت شکریہ جزاک اللہ