غزل

[محمد یوسف صدیقی]

نازک بہت ہیں پاؤں مرے نونہال کے

آنکھیں بچھائے حور تو پلکیں نکال کے​

وہ سو رہے ہیں منہ پہ دوپٹہ جو ڈال کے

کن حسرتوں سے تکتے ہیں ارماں وسال کے​

کیا کیا تھے شوق آج عروسِ جمال کے

اندھیر تو نے کر دیا گھو نگھٹ نکال کے​

برسات میں یہ اُن کی ادا دے گئی مزا

چلنا اٹھا کے پائنچے دامن سنبھال کے​

کم سِن ہیں ڈر نہ جائیں وہ شکل اس کی دیکھ کر

شب آئے منہ پہ چادرِ مہتاب ڈال کے​

ہالہ میں چاند دیکھ کے یاد آگیا مجھے

کھڑکی سے جھانکنا وہ ترا منہ نکال کے​

آیا جو چاند ابر میں آنکھوں میں پھر گیا

آنا وہ شب کو رُخ پہ نقاب اُن کا ڈال کے​

یوں کوندتی ہیں ابر میں رہ رہ کے بجلیاں

یاد آئیں جیسے ہجرکی شب ،دن وصال کے​

ابر سیہ میں برق منور نہیں حسن

آیا ہے مانگ کوئی پریرو نکال کے​

 

[عمر سیف]

خوب

 

[قیصرانی]

اچھی کاوش ہے
پریرو سے کیا مراد ہے؟

 

[عمر سیف]

شاید خوبصورت ۔۔ مراد ہے اس سے ۔۔
آپ اسے پری رو پڑھیں ۔۔ پری جیسی شکل والی ۔۔ قیصرانی بھائی