فرحان محمد خان
محفلین
غزل
ہے دگر سب سے مرے سَروِ سر افراز کا رنگ
وہ تو بول اُٹھتا ہے رنگوں میں اس انداز کا رنگ
میرے موسم کو طبق مرے لہو کی گردش
تیرے الفاظ کی خوشبو تری آواز کا رنگ
تیری آنکھوں سے نمایاں مرے دل میں پیچاں
کسی انجام کا پرتو کسی آغاز کا رنگ
فصلِ آئندہ کے قصوں میں بھی کام آئے گا
میرے پندار کا اسلوب ترے ناز کا رنگ
کون سی رُت میں فضا دل کی کھلے گی آخر
کِن ہواؤں میں کھلے گا مری آواز کا رنگ
کم سخن ہو کے بھی لبریزِ سخن ہے گویا
اب کے گہرا ہے بہت غمزۂ غماز کا رنگ
دل ربائی میں رہی چہرہء خاموش کی بات
خوش نمائی میں رہا طعنۂ طناز کا رنگ
شب اگر ہے تو کسی توشۂ آزار کی شب
رنگ اگر ہے تو کسی خوابِ پس انداز کا رنگ
خاک اُڑاتے ہوئے جھونکے ہیں کہ سناٹا ہے
رقص کرتا ہوا شعلہ ہے کہ آواز کا رنگ
اُس کے جاتے ہی ہر اک آس کی لَے ٹوٹ گئی
پھر نہ وہ شمع کی لَو ٹہری نہ وہ ساز کا رنگ
فیضؔ کے بعد کہاں کوئی نواگر کہ نصیرؔ
"حرفِ سادہ کو عنایت کرے اعجاز کا رنگ"
نصیرؔ ترابی
1985ء
ہے دگر سب سے مرے سَروِ سر افراز کا رنگ
وہ تو بول اُٹھتا ہے رنگوں میں اس انداز کا رنگ
میرے موسم کو طبق مرے لہو کی گردش
تیرے الفاظ کی خوشبو تری آواز کا رنگ
تیری آنکھوں سے نمایاں مرے دل میں پیچاں
کسی انجام کا پرتو کسی آغاز کا رنگ
فصلِ آئندہ کے قصوں میں بھی کام آئے گا
میرے پندار کا اسلوب ترے ناز کا رنگ
کون سی رُت میں فضا دل کی کھلے گی آخر
کِن ہواؤں میں کھلے گا مری آواز کا رنگ
کم سخن ہو کے بھی لبریزِ سخن ہے گویا
اب کے گہرا ہے بہت غمزۂ غماز کا رنگ
دل ربائی میں رہی چہرہء خاموش کی بات
خوش نمائی میں رہا طعنۂ طناز کا رنگ
شب اگر ہے تو کسی توشۂ آزار کی شب
رنگ اگر ہے تو کسی خوابِ پس انداز کا رنگ
خاک اُڑاتے ہوئے جھونکے ہیں کہ سناٹا ہے
رقص کرتا ہوا شعلہ ہے کہ آواز کا رنگ
اُس کے جاتے ہی ہر اک آس کی لَے ٹوٹ گئی
پھر نہ وہ شمع کی لَو ٹہری نہ وہ ساز کا رنگ
فیضؔ کے بعد کہاں کوئی نواگر کہ نصیرؔ
"حرفِ سادہ کو عنایت کرے اعجاز کا رنگ"
نصیرؔ ترابی
1985ء