فرحان محمد خان
محفلین
غزل
فغاں کہ رسم و رہِ عاشقی بھی خام ہوئی
جبینِ شوق تری بندگی بھی عام ہوئی
قفس میں ذکرِ غمِ بال و پر کی بات نہ پوچھ
عیاں بھی جراِتِ پرواز زیرِ دام ہوئی
ترے کرم کا زمانہ ارے معاذ اللہ
نگاہِ شوق اٹھی داستاں تمام ہوئی
وہی جو مجرمِ رازِ وفا بھی تھے ہمدم
انھیں پہ زندگیِ عشق کچھ حرام ہوئی
حدیثِ لالہ و گل کا جب اختصار ہوا
بہار تیرے تصور کا ایک نام ہوئی
سکوتِ عشق کا اک تار بھی نہ ٹوٹ سکا
ہزارہا نگہِ حسن ہم کلام ہوئی
کس احتیاط سے کتنے جتن سے اٹھی تھی
وہ اک نگاہ جو بیگانۂ پیام ہوئی
فضا ہی گزرے ہوئے کارواں کی یاد میں ہے
مسافرو ! یہ کہاں آ کے آج شام ہوئی
فغاں کہ رسم و رہِ عاشقی بھی خام ہوئی
جبینِ شوق تری بندگی بھی عام ہوئی
قفس میں ذکرِ غمِ بال و پر کی بات نہ پوچھ
عیاں بھی جراِتِ پرواز زیرِ دام ہوئی
ترے کرم کا زمانہ ارے معاذ اللہ
نگاہِ شوق اٹھی داستاں تمام ہوئی
وہی جو مجرمِ رازِ وفا بھی تھے ہمدم
انھیں پہ زندگیِ عشق کچھ حرام ہوئی
حدیثِ لالہ و گل کا جب اختصار ہوا
بہار تیرے تصور کا ایک نام ہوئی
سکوتِ عشق کا اک تار بھی نہ ٹوٹ سکا
ہزارہا نگہِ حسن ہم کلام ہوئی
کس احتیاط سے کتنے جتن سے اٹھی تھی
وہ اک نگاہ جو بیگانۂ پیام ہوئی
فضا ہی گزرے ہوئے کارواں کی یاد میں ہے
مسافرو ! یہ کہاں آ کے آج شام ہوئی
عزیز حامد مدنی
1956ء
1956ء