غزل : شہرِ جاں کی سیڑھیوں پر در بدر بکھرئے ہوئے - سرمدؔ صہبائی

غزل
شہرِ جاں کی سیڑھیوں پر در بدر بکھرئے ہوئے
راکھ ہوتی خواہشوں کے بال و پر بکھرئے ہوئے

دُور تک اس خاک پر کچھ نقش ہیں مٹتے ہوئے
اور کچھ پتے کنارِ رہ گزر بکھرئے ہوئے

چاند رکتا ہے نہ آنگن میں ٹھہرتی ہے ہوا
ہیں کہاں جانے پہ میرے ہم سفر بکھرئے ہوئے

اہتمامِ ہجر ، تزئینِ تمنا ، حسنِ غم
جس طرف دیکھیں اُسی کے ہیں ہنر بکھرئے ہوئے

ڈھونڈتے تجھ کو نہ جانے ہم کہاں پر آ گئے
تم کہوں اے جانِ جاں تم ہو کدھر بکھرئے ہوئے

بے خودی میں فرصتِ رسمِ تماشا ہے کسے
پھول ہیں باغوں میں خود سے بے خبر بکھرئے ہوئے

کون سرمدؔ اب سمیٹے گا مرے اس شہر کو
ہیں بہت ویران گلیاں اور گھر بکھرئے ہوئے
سرمدؔ صہبائی
 
Top