غزل: دل ہائے گرفتہ کو خوشا کون کہے گا

[یاسر علی]

واہ بہت خوبصورت غزل ماشاءاللہ
کیا کہنے۔۔۔

 

[محمد احسن سمیع راحلؔ]

ماشاءاللہ۔ شاد و آباد رہیں۔

بہت شکریہ احمد بھائی۔ جزاک اللہ

 

[محمد احسن سمیع راحلؔ]

واہ بہت خوبصورت غزل ماشاءاللہ
کیا کہنے۔۔۔

بہت شکریہ برادرم یاسر، جزاک اللہ

 

[اکمل زیدی]

۔۔۔اعلی۔۔۔

 

[محمد احسن سمیع راحلؔ]

۔۔۔اعلی۔۔۔

بہت شکریہ اکمل صاحب، جزاک اللہ

 

[مقبول]

عزیزانِ من، آداب!
ایک غزل آپ سب کی بصارتوں کی نذر۔ امید ہے احباب اپنی قیمتی آرا سے ضرور نوازیں گے۔

دعاگو،
راحلؔ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

دل ہائے گرفتہ کو خوشا کون کہے گا
اس بیعتِ قسری کو بجا کون کہے گا!

سب کا ہی مفاد اور غرض زد میں ہو جس کی
آمین بر ایں حرفِ دعا کون کہے گا!

خائف نہ ہوں کیوں اہل چمن میری نوا سے
صرصر کو بھلا باد صبا کون کہے گا!

اک لفظ تسلی کا نہ جس خط میں ہو، اس کو
سوزِ غمِ ہجراں کی دوا کون کہے گا

اس عقل کو، ہوجائے جو خالق ہی کی منکر
کم عقل بجز عقلِ رسا کون کہے گا!

کٹ جائے اگر سر بہ رہِ نامِ محمدﷺ
غافل کے سوا اس کو قضا کون کہے گا؟

راحلؔ ہی تھا دیوانہ بس اک شہرِ غرض میں
اب تیری جفاؤں کو ادا کون کہے گا؟

بہت خوبصورت
راحل صاحب! بیعتِ قسریٰ کے پسِ منظر کی کچھ وضاحت فرما دیں گے۔ کیا اس کا تعلق مدینہ والی مہدی اور عیسیٰ لڑائی سے ہے یاکچھ اور ہے؟ شُکریہ

 

[محمد احسن سمیع راحلؔ]

بہت خوبصورت
راحل صاحب! بیعتِ قسریٰ کے پسِ منظر کی کچھ وضاحت فرما دیں گے۔ کیا اس کا تعلق مدینہ والی مہدی اور عیسیٰ لڑائی سے ہے یاکچھ اور ہے؟ شُکریہ

جزاک اللہ مقبول بھائی، داد و پذیرائی کے لیے شکرگزار ہوں۔
یہ ترکیب بیعتِ قسریٰ نہیں، بیعتِ قسری (یائے معروف کے ساتھ) ہے۔ قسری کے معنی جبری کے ہیں ۔۔۔ یعنی جبری، زبردستی کی بیعت۔

 

[مقبول]

جزاک اللہ مقبول بھائی، داد و پذیرائی کے لیے شکرگزار ہوں۔
یہ ترکیب بیعتِ قسریٰ نہیں، بیعتِ قسری (یائے معروف کے ساتھ) ہے۔ قسری کے معنی جبری کے ہیں ۔۔۔ یعنی جبری، زبردستی کی بیعت۔

بہت شُکریہ، میں سمجھا تھا شاید اس کا تعلق کسی تاریخی واقعہ سے ہے۔