غزل: جس کی آنکھوں میں غمِ ہجر کا تارا ہوگا

عزیزانِ من، آداب!
ایک غزل آپ سب کے ذوق بسیار خوب کی نذر۔ امید ہے احباب توجہ اور اپنی قیمتی آراء عنایت فرمائیں گے۔

دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جس کی آنکھوں میں غمِ ہجر کا تارا ہوگا
اس کی مٹھی میں مقدر بھی ہمارا ہوگا

صبح دم وہ تری آواز، معطر سانسیں
تیرے بن، تو ہی بتا کیسے گزارا ہو گا؟

جان دینے کی اجازت نہیں رکھی اس نے
ایسے تو عشق میں بس ہم کو خسارہ ہوگا

اب تو چاندی بھی اتر آئی مرے بالوں میں
جس کا وعدہ تھا بھلا کب وہ اشارہ ہوگا؟

جو مرے گرد بناتی تھی دعاؤں کا حصار
اس کے ہاتھوں میں کہیں اب بھی سپارہ ہوگا!

عمر کیا پوری یونہی جستجو میں گزرے گی؟
آخر اس عشق کا کوئی تو کنارہ ہوگا!

جانے کیا بات ہے، قرب اس کا جلا دیتا ہے
اس کی ہستی میں نہاں کوئی شرارہ ہوگا!

اب جو پہچان میں آتا ہی نہیں دل، سوچو
کتنی محنت سے اسے ہم نے سنوارا ہوگا!

کیا نہیں میری انا سے یہ زمانہ واقف!
کیسے ممکن ہے اسے ہم نے پکارا ہوگا

سب کا دل رکھ لو، گداؤں کو نہ جھڑکو راحلؔ
کیا خبر ان میں کوئی ہجر کا مارا ہوگا!

(کچھ مقامات پر اگر اسقاطِ حروف ناگوار محسوس ہو تو اس کے لئے معذرت)۔
 
عزیزانِ من، آداب!
ایک غزل آپ سب کے ذوق بسیار خوب کی نذر۔ امید ہے احباب توجہ اور اپنی قیمتی آراء عنایت فرمائیں گے۔

دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

جس کی آنکھوں میں غمِ ہجر کا تارا ہوگا
اس کی مٹھی میں مقدر بھی ہمارا ہوگا

صبح دم وہ تری آواز، معطر سانسیں
تیرے بن، تو ہی بتا کیسے گزارا ہو گا؟

جان دینے کی اجازت نہیں رکھی اس نے
ایسے تو عشق میں بس ہم کو خسارہ ہوگا

اب تو چاندی بھی اتر آئی مرے بالوں میں
جس کا وعدہ تھا بھلا کب وہ اشارہ ہوگا؟

جو مرے گرد بناتی تھی دعاؤں کا حصار
اس کے ہاتھوں میں کہیں اب بھی سپارہ ہوگا!

عمر کیا پوری یونہی جستجو میں گزرے گی؟
آخر اس عشق کا کوئی تو کنارہ ہوگا!

جانے کیا بات ہے، قرب اس کا جلا دیتا ہے
اس کی ہستی میں نہاں کوئی شرارہ ہوگا!

اب جو پہچان میں آتا ہی نہیں دل، سوچو
کتنی محنت سے اسے ہم نے سنوارا ہوگا!

کیا نہیں میری انا سے یہ زمانہ واقف!
کیسے ممکن ہے اسے ہم نے پکارا ہوگا

سب کا دل رکھ لو، گداؤں کو نہ جھڑکو راحلؔ
کیا خبر ان میں کوئی ہجر کا مارا ہوگا!

(کچھ مقامات پر اگر اسقاطِ حروف ناگوار محسوس ہو تو اس کے لئے معذرت)۔
زبردست۔ اوریجنل۔ کیا بات ہے
 

ظہیراحمدظہیر

لائبریرین
واہ! بہت خوب ! اچھے اشعار ہیں راحلؔ بھائی!
غزل کے آخر میں پیشگی معذرت کرکے تو کمبخت اہلِ ذوق کی بولتی بند کردی آپ نے :D
 
واہ! بہت خوب ! اچھے اشعار ہیں راحلؔ بھائی!
غزل کے آخر میں پیشگی معذرت کرکے تو کمبخت اہلِ ذوق کی بولتی بند کردی آپ نے :D
بہت شکریہ مکرمی و محترمی ظہیرؔ بھائی ۔۔۔ آپ کی جانب سے حوصلہ افزائی نے خون سیروں بڑھا دیا :)
دعاگو،
راحلؔ
 
Top