غزل: تمنا ہے کہ اپنی زندگی بھی خوبصورت ہو ۔۔۔۔

[محمد احسن سمیع راحلؔ]

کمال!

بہت شکریہ علی وقار صاحب ۔۔۔ اظہارِ پسندیدگی کے لیے تہہ دل سے شکر گزار ہوں۔ جزاک اللہ

 

[سید رافع]

عزیزانِ من، آداب!
افسوس کہ کچھ نیا نہیں پیش کرنے کے لیے، سو ایک پرانی غزل آپ سب کے ذوقِ بسیار خوب کی نذر۔

دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

تمنا ہے کہ اپنی زندگی بھی خوبصورت ہو
کوئی لمحہ تو ایسا آئے جس میں تم سے قربت ہو

میں کیسے وقت سے ان ہجر کے زخموں کا مرہم لوں؟
کہ جب یہ شرط ٹھہری، یاد تیری اس کی قیمت ہو!

محبت کی حقیقت ڈھونڈنے سے لاکھ بہتر ہے
محبت ایسی ڈھونڈی جائے جس میں کچھ حقیقت ہو

ذرا سوچو کہ کیسا جان لیوا کھیل وہ ہوگا
کہ جس میں کامیابی کی علامت ہی ہزیمت ہو!

یہ خودداری کی بیماری جو لاحق ہے تمہیں راحلؔ
بہت تکلیف دیتی ہے گر اس کے ساتھ غربت ہو!

۔۔۔

واہ جناب۔ کیا غزل کہی ہے۔ ایک سے بڑھ کر ایک شعر ہے۔ بے حد روانی، موضوعات اور کیفیات ہیں۔

 

[گُلِ یاسمیں]

محبت کی حقیقت ڈھونڈنے سے لاکھ بہتر ہے
محبت ایسی ڈھونڈی جائے جس میں کچھ حقیقت ہو

بہت زبردست راحل بھائی

خوش رہئیے ہمیشہ۔

 

[محمد احسن سمیع راحلؔ]

واہ جناب۔ کیا غزل کہی ہے۔ ایک سے بڑھ کر ایک شعر ہے۔ بے حد روانی، موضوعات اور کیفیات ہیں۔

بہت شکریہ مکرمی ... بھرپور داد و تحسین کے لیے حد درجہ ممنون ہوں. جزاک اللہ.

 

[محمد احسن سمیع راحلؔ]

بہت زبردست راحل بھائی

خوش رہئیے ہمیشہ۔

بہت شکریہ یاسمین بہن ... داد اور دعاؤں کے لیے ممنون و متشکر ہوں. جزاک اللہ