غزل براے اصلاح

عاشقی ایک قیامت ہو گئ
سوزشِ عشق ندامت ہو گئ
آے ہیں آج تخیل میں وہ
کوئی دیکھو یہ کرامت ہو گئ
اچھی تھی چاہے بری تھی دل میں
ان کی ہر بات سلامت ہو گئ
عشق میں آئی تھی وہ اک ساعت
یہ جہاں ہستی علامت ہو گئی
ان سے رکھا ہے تعلق جب سے
ہر گھڑی میرے لیے شامت ہو گئ
ماجرا آج ہوا مے کدے میں
ان سے گلفام امامت ہو گئ

 

تمام اساتذہ سے گزارش ہے ایک نظر ادھر بھی بلخصوص محمد خلیل الرحمن ,الف عین ,

 

اساتذہ حضرات کو ٹیگ کیجیے

 

اپنے اشعار کو بحر می کرنا سیکھیں....

سرسری صاحب کی کتاب... آو شاعری سیکھیں کا مطالعہ کیجیے

 

ج

جی جناب کون سا شعر بحر سے خارج ہے
باقی میں آج آیا ہوں مجھے نہیں معلوم کہ ٹیگ کسے کرتے ہیں

 

ٹیگ کرنے کیلئے @ لگا کر آگے اساتذہ کا نام لکھ دینے سے ٹیگ ہو جاتا ہے
میں استاد محترم کو ٹیگ کر دیتا ہوں الف عین

 

بھیت شکریہ بھائ جان آپ کا لیکن مجھے اب بھی سمجھ نہیں آیا چلو آہستہ آہستہ آجاے گا

 

عاشقی ایک قیامت ہو گئ
سوزشِ عشق ندامت ہو گئ۔۔۔۔۔۔۔۔۔یہ شعر بے بحر ہے

آے ہیں آج تخیل میں وہ۔۔۔۔۔۔۔۔۔۔یہ مصرع بھی
کوئی دیکھو یہ کرامت ہو گئ

اچھی تھی چاہے بری تھی دل میں
ان کی ہر بات سلامت ہو گئ۔۔۔۔۔۔۔۔یہ شعر بھی

عشق میں آئی تھی وہ اک ساعت۔۔۔۔۔۔۔۔۔یہ مصرع بھی
یہ جہاں ہستی علامت ہو گئی

ان سے رکھا ہے تعلق جب سے
ہر گھڑی میرے لیے شامت ہو گئ۔۔۔۔۔۔۔۔۔یہ شعر بھی

ماجرا آج ہوا مے کدے میں
ان سے گلفام امامت ہو گئ۔۔۔۔۔۔۔۔یہ شعر بھی

 

بھائ جان میرے خیال سے یہ بحر میں ہیں ;رمل مسدس مخبون محذوف میں ; باقی آپ مزید رہنمائ فرما سکتے ہیں

 

ارفق درست کہہ رہے ہیں، یہ دعویٰ کیسے کر رہے ہیں کہ یہ بحر میں ہے؟

 

یہ درست نہیں یہ کہنے سے کام نہیں چلے گا کمز کم ایک پہلا مصرع ہی سمجھا دیں کہ میری سمجھ میں بھی آجاے

 

لاحول ولا قوۃ!!!
جناب الف عین محفل کے سب سے سینئر استاد ہیں، اور آپ کا اسلوب ان کو مخاطب کرنے کے لئے قطعاً مناسب نہیں، نہ ہی اصلاح کے خواہشمندوں کے انداز ایسے ہوتے ہیں۔
جب استاد محترم نے کہہ دیا کہ بحر کا مسئلہ ہے، تو آپ کی ذمہ داری تھی کہ پہلے اپنی تقطیع یہاں پیش کرتے اوراس کے بعد ان سے مؤدبانہ سوال کرتے کہ وہ آپ کی تقطیع میں اغلاط کی نشاندہی کریں۔
آپ نے تو سیدھا سیدھا حکم ہی چلا دیا کہ ایسے کام نہیں چلے گا!
ع۔ تمہی کہو کہ اندازِ گفتگو کیا ہے!!!

 

جی یہ میں نہیں جانتا تھا کہ وہ یہاں کے سب سے بڑے استاذ ہیں اگر میں نے کوئ گستاخی کی ہے تو معافی چاہتا ہوں . باقی استاذ محترم نے جب فرمایا ہے کہ بحر کا مسئلہ ہے تو میں عرض کی کہ ایسے کام نہیں چلے گا پورا سمجھائں . استاذ کا کام بھی یہی ہوتا ہے .میرا مقصد ان کی گستاخی ہر گز نہیں

 

میں تو ان سے مزید سمجھانے کو کہ رہا تھا استاذ تو سب کا محسن ہوتا ہے میں ان سے بھی معزرت خواہ ہوں

 

قبلہ مجھے آج معلوم ہوا ہے کہ آپ یہاں کے سب سے بڑے استاذ محترم ہیں .شاید میں ان جانے میں کوئ گستاخی کر گیا ہوں آپ کی تو ایک اپنا بیٹا ہونے کی حثیت سے معاف فرما دیں

 

رمل مسدس مخبون محذوف
فاعلاتن فَعِلاتن فَعِلن
عاشقی ایک قیامت ہو گیٔ
=-= =- -== - -=
رمل مسدس مخبون محذوف
فاعلاتن فَعِلاتن فَعِلن
سوزشِ عشق ندامت ہو گیٔ
=-= =- -== - -=
رمل مسدس مخبون محذوف مسکن
فاعلاتن فَعِلاتن فِعْلن
آے ہیں آج تخیل میں وہ
=- = =- -== = =
رمل مسدس مخبون محذوف
فاعلاتن فَعِلاتن فَعِلن
کوئی دیکھو یہ کرامت ہو گیٔ
=- == - -== - -=
رمل مسدس مخبون محذوف مسکن
فَعِلاتن فَعِلاتن فِعْلن
اچھی تھی چاہے بری تھی دل میں
-- = =- -= = = =
رمل مسدس مخبون محذوف
فاعلاتن فَعِلاتن فَعِلن
ان کی ہر بات سلامت ہو گیٔ
= - = =- -== - -=
رمل مسدس مخبون محذوف مسکن
فاعلاتن فَعِلاتن فِعْلن
عشق میں آئی تھی وہ ساعت اک
=- = =- - = == =
رمل مسدس مخبون محذوف
فاعلاتن فَعِلاتن فَعِلن
یہ جہاں ہستی علامت ہو گئی
= -= =- -== - -=
رمل مسدس مخبون محذوف مسکن
فاعلاتن فَعِلاتن فِعْلن
ان سے رکھا ہے تعلق جب سے
= - == - -== = =
رمل مسدس مخبون محذوف
فاعلاتن فَعِلاتن فَعِلن
ماجرا آج ہوا مے کدے میں
=-= =- -= = -- =
رمل مسدس مخبون محذوف
فاعلاتن فَعِلاتن فَعِلن
ان سے گلفام امامت ہو گیٔ
= - ==- -== - -=

 

باقی خطا انسان سے ہو جاتی ہے .اب آپ کا معاف کرنا میرے لیے خوشی باعث ہو گا..

 

قبلہ میں ایک مرتبہ پھر آپ سے درخواست کرتا ہوں خدارا اگر میں نے آپ کا تقدس پامال کیا ہو تو معاف فرما دینا

 

میرے بھائی، کسی بھی زبان میں اچھی شاعری کرنے کے لئے بہت ضروری ہے کہ پہلے اس زبان کے جملہ روزمرہ اور محاورات کے افہام و تفہیم کی مناسب استعداد پیدا کی جائے۔ آپ کے اسلوب سے اندازہ ہوا کہ غالباً اردو آپ کی مادری زبان نہیں اس لئے نادانستگی میں آپ کا لہجہ نامناسب ہوگیا۔ خیر، محفل کے سب ہی اساتذہ ماشاءاللہ بہت وسیع القلب ہیں، ان شاءاللہ درگزر فرمائیں گے۔

مندرجہ بالا پوسٹ سے اندازہ ہوتا ہےکہ آپ کو عروض پر کماحقہ دسترس حاصل نہیں ہے۔ آپ کی مرقومہ تقطیع عروض کی ویب گاہ سے نقل کی گئی ہے کیونکہ حقیقت میں تقطیع اس طرح نہیں کی جاتی۔ عروض کی ویب گاہ مصنوعی ذہانت پر مبنی ایک الگارتھم کے ذریعے آپ کی جانب سے درج کئے مصرعوں کی تخمینی تقطیع کرتی ہے، جو کہ لازم نہیں ہمیشہ سو فیصد درست ہی ہو، خاص کر ان مواقعوں پر جب املا کی غلطیاں ہوجائیں یا الگارتھم کو تشدید وغیرہ میں اشتباہ لگ جائے۔
اسی لئے میرے آپ کے جیسے نوآموز طلباء کے لئے ضروری ہے علم عروض کی بنیادی شدھ بدھ ضرور حاصل کریں، اور اشعار کی تقطیع سیکھنے پر خصوصا زور دیں۔ کون سے حروف تقطیع میں محسوب ہوتے ہیں، کن کا اسقاط جائز ہے کن کا نہیں، وصال الف کب روا ہوتا ہے وغیرہ۔ اس طرح کی بنیادی باتوں کا علم ہونا اچھی شاعری کے لئے بہت ضروری ہے۔

دعاگو،
راحلؔ

 

عزیزم، شاعری سے یہ پتہ نہیں چلتا کہ شاعر کے علم کا معیار کیا ہے، اکثر 'شعرا' فیس بک اور سماجی میڈیا میں پوسٹ کرنے پر ڈھیروں داد وصول کر لیتے ہیں تو یہ سمجھتے ہیں کہ مستند شاعر ہو گئے، ایسا ہی مجھے بھی خیال گزرا اور دوسروں کو بھی، اگر بحر و اقاعیل لکھ دیتے تو غلطی بتائی جا سکتی تھی۔
قوافی دیکھ کر مجھے خوشی ہوئی تھی کہ بالکل درست قوافی ہیں، لیکن 'ہو گئی' ردیف کو میں فاعلن سمجھ رہا تھا، اور غزل کے افاعیل فاعلاتن فاعلاتن فاعلن سمجھ رہا تھا۔ اب پتہ چلا کہ یہ عروض ڈاٹ کام کی غلطی ہے کہ اس نے ردیف کو فعلن قبول کر لیا! ہو گئی کی و گرانا گوارا نہیں کیا جا سکتا، ہُگ ئی فعلن درست ہوتا ہے۔ اسے اس بحر میں کرنے کے لئے 'ہو گی' ردیف بہتر ہوتی، ہو گئی کو فاعلن/ فاعلان بنانے سے فاعلاتن دو بار اس سے پہلے لانا ضروری ہے، کہ اس بحر میں اجازت نہیں کہ کسی رکن کو فعلاتن کر دیا جائے۔