غزل برائے اصلاح

[ارشد چوہدری]

بحر ۔۔ جمیل مثمن سالم ( مفاعلاتن مفاعلاتن مفاعلاتن مفاعلاتن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہی تو دنیا میں ہو رہا ہے کسی کے دل میں وفا نہیں ہے
یہاں اُسی کو سزا ملے گی اگر کسی کی خطا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہیں جو کرتا کسی کی عزّت اُسے بھی عزّت ملے گی کیسے
مگر یہاں ہے اُسی کی عزّت کسی کی جس کو حیا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہ جرم کرنا بُری ہے عادت بُری لگے گی یہ تو سبھی کو
تمیں اسی کی سزا ملے گی جو جرم تم نے کیا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرو گے اچھا بُرے بنو گے جو ہو رہا ہے بتا رہا ہوں
تمہیں شرابی کہے گی دنیا اگر تو دارو پیا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھے شکایت نہیں کسی سے یہی ہے دنیا رہے گی ایسے
کبھی کسی سے نہ پیار کرنا اگر کسی سے ملا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وفا کا وعدہ نبھا رہا ہوں تمہیں نہیں ہے خیال جس کا
وہی میں رشتہ نبھا رہا ہوں مجھے جو تم سے ملا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کسی کو ارشد معاف کرنا یہی ہے اچھی ادا کسی کی
خدا تمہیں وہ عطا کرے گا جہاں میں جو کچھ ملا نہیں ہے

 

[ارشد چوہدری]

الف عین

 

[الف عین]

.نہیں بھائی ارشد صاحب۔ غزل فنی طور پر درست ہے لیکن مفہوم کے اعتبار سے کئی سوالات پیدا ہوتے ہیں جو بالکل غیر متعلق لگتے ہیں

یہی تو دنیا میں ہو رہا ہے کسی کے دل میں وفا نہیں ہے
یہاں اُسی کو سزا ملے گی اگر کسی کی خطا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بے وفائی کا بے گناہی سے تعلق

نہیں جو کرتا کسی کی عزّت اُسے بھی عزّت ملے گی کیسے
مگر یہاں ہے اُسی کی عزّت کسی کی جس کو حیا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بے حیائی کا عزت سے ربط؟

نہ جرم کرنا بُری ہے عادت بُری لگے گی یہ تو سبھی کو
تمیں اسی کی سزا ملے گی جو جرم تم نے کیا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مطلب جرم کرنا بہت ضروری ہے!

کرو گے اچھا بُرے بنو گے جو ہو رہا ہے بتا رہا ہوں
تمہیں شرابی کہے گی دنیا اگر تو دارو پیا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گرامر کی رو سے دوسرا نصف درست نہیں۔ خیال بھی پسند نہیں آیا

مجھے شکایت نہیں کسی سے یہی ہے دنیا رہے گی ایسے
کبھی کسی سے نہ پیار کرنا اگر کسی سے ملا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بغیر ملے کون پیار کر سکتا ہے؟

وفا کا وعدہ نبھا رہا ہوں تمہیں نہیں ہے خیال جس کا
وہی میں رشتہ نبھا رہا ہوں مجھے جو تم سے ملا نہیں ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ خیال کس کا؟ رشتہ ملنا؟

کسی کو ارشد معاف کرنا یہی ہے اچھی ادا کسی کی
خدا تمہیں وہ عطا کرے گا جہاں میں جو کچھ ملا نہیں ہے
کس کی ادا؟ اس بات کا خدا کی عطا سے تعلق؟