غزل برائے اصلاح

[ارشد چوہدری]

بحر ( مضارع مثمن اخرب مکفوف محذوف )
افاعیل ( مفعول فاعلاتُ مفاعیل فاعلن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرا خیال ہم نے بُھلایا کبھی نہیں
کیسے کہو گے ہم نے منایا کبھی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آتے کیوں نہ ہم جو بُلاتے کبھی ہمیں
آواز دے کے تم نے بُلایا کبھی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنا جلال ہم کو دکھانا نہ یار تم
اپنا جمال ہم کو دکھایا کبھی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آواز دے کے تم ہی بُلا لو کبھی ہمیں
دیدارِ زلف ہم کو کرایا کبھی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دیوانگی میں تجھ کو بُلاتے رہے ہیں ہم
بے درد ہم نے تجھ کو بُھلایا کبھی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد کے دل سے مر کے بھی آتی رہی صدا
ہم نے تو تجھ کو یار ستایا کبھی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[ارشد چوہدری]

الف عین

 

[الف عین]

مجھے تو تمام اشعار دو لخت محسوس ہو رہے ہیں یعنی شعر میں کوئی نہ کوئی لفظ یا الفاظ ایسے ہیں جو دونوں مصرعوں کو ایک اکائی نہیں بننے دیتے
تیرا خیال ہم نے بُھلایا کبھی نہیں
کیسے کہو گے ہم نے منایا کبھی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ روٹھنے کی بات پہلے مصرع میں ہونی چاہیے نا!
آتے کیوں نہ ہم جو بُلاتے کبھی ہمیں
آواز دے کے تم نے بُلایا کبھی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔کیوں لفظ کی تقطیع محض 'کو' ہوتی ہے، پھر دونوں مصرعوں میں بلانے کی بات دہرائی گئی ہے ۔ یوں کہیں
ہم سر کے بل بھی چل کے چلے آتے بالضرور

اپنا جلال ہم کو دکھانا نہ یار تم
اپنا جمال ہم کو دکھایا کبھی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یار بھرتی کا لفظ لگتا ہے.۔ یوں ہو تو
اپنا جلال ہم کو کبھی مت دکھائیو
اپنا جمال تم نے......

آواز دے کے تم ہی بُلا لو کبھی ہمیں
دیدارِ زلف ہم کو کرایا کبھی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ زلف کا بلانے سے تعلق؟

دیوانگی میں تجھ کو بُلاتے رہے ہیں ہم
بے درد ہم نے تجھ کو بُھلایا کبھی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بلانے اور بھلانے کا تعلق؟

ارشد کے دل سے مر کے بھی آتی رہی صدا
ہم نے تو تجھ کو یار ستایا کبھی نہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ستانے اور مر کر بھی یاد کرنے کا تعلق ؟