غزل برائے اصلاح

[ارشد چوہدری]

بحر ( ہزج مثمن سالم ) مفاعیلن مفاعیلن مفاعیلن مفاعیلن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہجر کی رات کے پچھلے پہر ٹھنڈی ہوا اور میں
کسی کی راہ میں ہیں رُل گئے میری وفا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہی تو پاس میرے ہے نشانی اک جو تیری ہے
تجھے ہی یاد کرتے ہیں سدا تیری ردا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جلاتا ہوں دیا تیری پُرانی یادوں کا میں جب
تجھے کرتے ہیں دونوں یاد وہ دیا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اکیلا میں ہی چلتا ہوں کنارے نہر کے اب تو
تجھے کرتے ہیں مل کر یاد اب بادِ صبا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حیا تیری مجھے تو یاد ہے اب تک بچھڑ کر بھی
تجھے کرتے ہیں مل کر یاد تیری وہ حیا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سمیٹو بوریا بِستر پُرانی یاد کا ارشد
تجھے ہی یاد کرتے ہیں سبھی میری دوا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین،خلیل الرحمن

 

[ارشد چوہدری]

الف عین،خلیل الرحمن

 

[ارشد چوہدری]

الف عین

 

[ارشد چوہدری]

استادِ محترم اس غزل پر اپنی رائے عنایت فرمائیں

 

[الف عین]

اس غزل میں کچھ انداز بیان میں ندرت محسوس ہوتی ہے لیکن پہلے مصرع میں ہر ثانی مصرعے میں ایک ہی بات دہرائی گئی ہے کچھ مصرعوں میں الفاظ بھی وہی ہیں ۔
ہجر کا تلفظ جیم پر جزم کے ساتھ ہے
تیری ہی ردا تجھی کو یاد کرتی ہے! عجیب بات ہے
میرا مشورہ ہے کہ اس غزل کو ایک بار پھر خود غور سے دیکھیں

 

[ارشد چوہدری]

تبدیلیوں کے بعد دوبارا حاضرِ خدمت
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شبِ ہجراں کے بھی پچھلے پہر ٹھنڈی ہوا اور میں ( ہجر کی رات کے پچھلے پہر -----)
کسی کی راہ میں ہیں رُل گئے میری وفا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھے ہیں یادتیری سب ادائیں تو ابھی تک بھی
تجھے بھولے نہیں اب تک بھی تیری ادا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جلاتا ہوں دیا تیری پُرانی یادوں کا اب تک
بُلاتے ہیں تجھے مل کر ہی دونوں وہ دیا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اکیلا میں ہی چلتا ہوں کنارے نہر کے اب تو
تجھے پھر یاد کرتے ہیں یہاں بادِ صبا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بچھڑ کر بھی ابھی تک یاد ہے تیری حیا مجھ کو
بُلاتے ہیں تجھے دونوں ہی پھر تیری حیا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہیں رہنا تجھے ارشد پُرانی یادوں میں کھو کر
بُلاتے ہیں تجھے دونوں ہی اب تیرا خدا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

فرق تو کچھ نہیں پڑا۔ یاد کرنا اور کسی کو بلانا ایک ہی بات ہے
مقطع بہت خوب ہو گیا ہے بس یہاں بلانا کا استعمال بھی درست ہے
مطلع دو لخت محسوس ہوتا ہے
دیا ادا اور حیا کا یاد کرنا یا بلانا پسند نہیں آیا
باد صبا والا شعر اچھا ہے لیکن روانی متاثر ہے اس کی کچھ الفاظ بدل کر دیکھیں جیسے
کنارہ نہر کا ہے، صبحدم، چلتا ہوں میں تنہا
ترا پھر ذکر کرتے ہیں یہاں باد صبا اور میں
یہ شعر بھی مجھے خود پسند نہیں، محض مثال کے لئے

 

[ارشد چوہدری]

استادِ محترم السلام علیکم
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آپ نے توجہ دلائی کہ اُس کی چیزیں اُسی کو یاد کرتی ہیں ۔ یہ بات ججتی نہیں تو بات سمجھ میں آ گئی ۔اس لئے چیزوں اور بیانیے کو بدل دیا ہے ۔آپ کو کو دقّت تو ہو گی ۔مگر ایک نظر نئے پرانے اشعار کو دیکھ لیں ۔پھر جو صحیح ہونگے ان پر مشتمل غزل ترتیب دے دوں گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شبِ ہجراں کے بھی پچھلے پہر ٹھنڈی ہوا اور میں
پڑے ہیں تیری ہم راہوں میں میری وفا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اداؤں میں ہے تیری ہی جدائی کی جھلک دیکھو
تمہیں کہتے ہیں آؤ لوٹ کے میری ادا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھے ہیں یاد تیری شوخیاں ساری ابھی تک
ذکر اُن کا ہی کرتے ہیں یہ جو بہکی ہوا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کنارہ نہر کا ہے صبحدم چلتا ہوں میں تنہا
ترا پھر ذکر کرتے ہیں یہاں بادِ صبا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کبھی تو آئے گا وہ روٹھنے والا کسی دن بھی
اُسی کو ہم بُلاتے ہیں گرم میری ردا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تجھی کو یاد کرتا ہوں اے میرے روٹھنے والے
نہ تجھ کو بھول پائیں گے کبھی میری عبا اور میں (قبا )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہیں رہنا تجھے ارشد پُرانی یادوں میں کھو کر
بُلاتے ہیں تجھے دونوں ہی اب تیرا خدا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

شبِ ہجراں کے بھی پچھلے پہر ٹھنڈی ہوا اور میں
پڑے ہیں تیری ہم راہوں میں میری وفا اور میں
۔۔۔۔۔۔۔۔۔۔۔۔۔۔۔ اب الگ الگ اشعار لیتا ہوں
دوسرے مصرعے میں کیا کہنا چاہ رہے ہیں؟ راہوں میں پڑے ہونے کا شب ہجر کی منظر کشی سے تعلق؟

اداؤں میں ہے تیری ہی جدائی کی جھلک دیکھو
تمہیں کہتے ہیں آؤ لوٹ کے میری ادا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ میری ادا؟

مجھے ہیں یاد تیری شوخیاں ساری ابھی تک
ذکر اُن کا ہی کرتے ہیں یہ جو بہکی ہوا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلا مصرع بحر سے خارج، دوسرے میں 'ذکر' کا تلفظ غلط ہے، ذکر باندھا گیا ہے جب کہ درست میں کاف ساکن ہے 'انہیں کا ذکر کرتے ہیں کیا جا سکتا ہے

کنارہ نہر کا ہے صبحدم چلتا ہوں میں تنہا
ترا پھر ذکر کرتے ہیں یہاں بادِ صبا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ چلے گا

کبھی تو آئے گا وہ روٹھنے والا کسی دن بھی
اُسی کو ہم بُلاتے ہیں گرم میری ردا اور میں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گرم میں بھی را پر فتحہ نہیں جزم ہے

تجھی کو یاد کرتا ہوں اے میرے روٹھنے والے
نہ تجھ کو بھول پائیں گے کبھی میری عبا اور میں (قبا )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ عبا یا قبا کا محبوب کی یاد سے کیا تعلق؟

نہیں رہنا تجھے ارشد پُرانی یادوں میں کھو کر
بُلاتے ہیں تجھے دونوں ہی اب تیرا خدا اور میں
ٹھیک ہے