متلاشی
محفلین
لبِ بام آ کے ظالم وہ نگاہِ طائرانہ
کہوں کیا کہ کتنے دل ہیں جنہیں کر گئی نشانہ
ہے زباں زد خلائق مرا ذکر والہانہ
نہ بھلا سکے گا مجھ کو مرے بعد یہ زما نہ
ہے چمن کا ذرہ ذرہ مری کاوشوں کا شاہد
مرے رنگ خوں سے گل پر ہے بہارِ جاودانہ
یہ چمن یہ لالہ ءُ گل سبھی رخ بدل رہے ہیں
چلو عندلیب چل کر کوئی ڈھونڈھ لیں ٹھکانہ
ہم اٹھا کے جامِ قسمت ترے در سے جارہے ہیں
تجھے باغباں مبارک یہ چمن یہ آشیانہ
مرے آنسوؤں کی مالا مرا درد میری آہیں
ہے یہی متاعِ زریں مرے عشق کا خزانہ
وہ نظر کے تیر پیہم یہ شکستہ شیشہءِ دل
میں کہاں سے لاؤں ناصح تب و تابِ جاودانہ
گری برگِ گل سے شبنم تو کہا یہ بلبلوں نے
تجھے یاد کر رہی ہے کوئی آنکھ غائبانہ
میں چھپا رہا ہوں دل میں خلشِ فراق لیکن
کہیں کہہ نہ دیں نگاہیں غمِ عشق کا فسانہ
کبھی شور توبہ توبہ کبھی وردِ جام و مینا
کبھی جوشش خبث و طینت کبھی حشر کا بہانہ
نہ سمجھ سکا میں عارف کہ نہاں ہیں راز کیا کیا
جو فسوں تھے کل حقیقت وہی آج ہیں فسانہ
(مولانا مشرف علی تھانوی)
کہوں کیا کہ کتنے دل ہیں جنہیں کر گئی نشانہ
ہے زباں زد خلائق مرا ذکر والہانہ
نہ بھلا سکے گا مجھ کو مرے بعد یہ زما نہ
ہے چمن کا ذرہ ذرہ مری کاوشوں کا شاہد
مرے رنگ خوں سے گل پر ہے بہارِ جاودانہ
یہ چمن یہ لالہ ءُ گل سبھی رخ بدل رہے ہیں
چلو عندلیب چل کر کوئی ڈھونڈھ لیں ٹھکانہ
ہم اٹھا کے جامِ قسمت ترے در سے جارہے ہیں
تجھے باغباں مبارک یہ چمن یہ آشیانہ
مرے آنسوؤں کی مالا مرا درد میری آہیں
ہے یہی متاعِ زریں مرے عشق کا خزانہ
وہ نظر کے تیر پیہم یہ شکستہ شیشہءِ دل
میں کہاں سے لاؤں ناصح تب و تابِ جاودانہ
گری برگِ گل سے شبنم تو کہا یہ بلبلوں نے
تجھے یاد کر رہی ہے کوئی آنکھ غائبانہ
میں چھپا رہا ہوں دل میں خلشِ فراق لیکن
کہیں کہہ نہ دیں نگاہیں غمِ عشق کا فسانہ
کبھی شور توبہ توبہ کبھی وردِ جام و مینا
کبھی جوشش خبث و طینت کبھی حشر کا بہانہ
نہ سمجھ سکا میں عارف کہ نہاں ہیں راز کیا کیا
جو فسوں تھے کل حقیقت وہی آج ہیں فسانہ
(مولانا مشرف علی تھانوی)