عید کے موضوع پر اشعار

[عرفان سرور]

گل نہ ہوگا تو جشن خوشبو کیا
تم نہ ہوگے تو عید کیا ہوگی
(پروین شاکر)

 

[عرفان سرور]

گئے برس کی عید کا دن کیا اچھا تھا
چاند کو دیکھ کے اس کا چہرہ دیکھا تھا
(پروین شاکر)

 

[عرفان سرور]

سب لوگ دیکھتے ہیں کھڑے چاند عید کا
مشتاق ہوں میں‌رشک قمر تیری دید کا
(بہادر شاہ ظفر)

 

[عرفان سرور]

آج کے دن صاف ہوجاتا ہے دل اغیار کا
آؤ مل لو عید یہ موقع نہیں تکرار کا
(منیر نیازی)

 

[عرفان سرور]

نصیب جن کو تیرے رخ کی دید ہوتی ہے
وہ خوش نصیب ہیں خوب انکی عید ہوتی ہے
( امیر مینائی)

 

[عرفان سرور]

مہہ نو آج صبح عید کی لے کر نوید آیا
صلے میں تیس روزوں کے مبارک روز عید آیا
(سلطان دہلوی)

 

[عرفان سرور]

پيام عيش ، مسرت ہميں سناتا ہے
ہلال عيد ہماري ہنسي اڑاتا ہے

 

[عرفان سرور]

ہم مناتے ہیں خونچکاں یہ عید
قاتلوں کے ہے درمیاں یہ عید
کیسی لاشیں ہیں آج سڑکوں پر
ملک و ملت کی لاج سڑکوں پر
سر کٹی لاش بند بوری میں
ادھ جلی لاش بند بوری میں
گولیوں کے نشان جسموں پر
چھلنیوں کا گمان جسموں پر
کس کا بیٹا پڑا ہے بوری میں؟
کس کا بھائی مرا ہے بوری میں؟
ہر طرف آج بھتہ خوری ہے
قتل و غارت ہے سینہ زوری ہے
دہشتِ دشمناں مبارک باد
وحشتِ دوستاں مبارک باد

از ڈاکٹر سید سلمان رضوی

 

[عرفان سرور]

عید آئی ہے، بابا کفن بھیج دو
میرا، منی کا
بھیا کا، امی کا
اور پیاری دادی کا، بابا کفن بھیج دو
اب کے کمبل بچھونے نہیں چاہیئے
اپنی منی کو گڑیا نہیں چاہئیے
کوئی خوابوں کی پڑیا نہیں چاہیئے
کوئی پتلون، شرٹ اور گاڑی بھی نہیں
دادی ماں کے لیئے ساڑھی بھی نہیں

عید آئی ہے، بابا کفن بھیج دو
میرا بستہ نہ جانے کہاں کھو گیا
میرے کپڑے نہ جانے کہاں دفن ہیں
ساری چڑیاں نہ جانے کہاں اڑ گئیں
جانے سب آشیانے کہاں دفن ہیں
دادی ماں کے ہاتھوں میں تسبیح تھی
جانے اب اس کے دانے کہاں دفن ہیں
جو میرے پیارے بھیا کی آنکھوں میں تھے
خوشیوں کے خزانے کہاں دفن ہیں
خیر ۔۔۔ اب ڈھونڈوں کیا
کفن بھیج دو
عید آئی ہے، بابا کفن بھیج دو

 

[عرفان سرور]

ہلالِ عید کو دیکھو تو روک لو آنسو
جو ہو سکے تو محبت کا احترام کرو

 

[عرفان سرور]

زندگی ہے ایک سنگم پر حیات و موت کے
شام ہے شامِ غریباں، صبح صبحِ عید ہے

 

[عرفان سرور]

چشم تو وسعت افلاک میں کھوئی ساغر
دل نے ایک اور جگہ ڈھونڈ لیا عید کا چاند

 

[عرفان سرور]

کتنی پلکوں سے فضاؤں میں ستارے ٹوٹے
کتنے فسانوں کا عنوان بنا عید کا چاند

 

[عرفان سرور]

یوں لگتا ہے کہ رُت خوشی کی ہر طرف آئی
صرف میرے آنگن میں عید اب کے برس نہیں آئی

 

[عرفان سرور]

اس عید پر پھر ساتھ ہیں میرے
پردیس، تنہائی اور بس تیری یادیں

 

[عرفان سرور]

سب لوگ تھے محو گفتگو چاند سے
میں چاند ڈھونڈتا رہا اور عید ہو گئی

 

[عرفان سرور]

آنکھ نم کر گیا بچھڑے ہوئے لوگوں کا خیال
دردِ دل دے کے ہمیں ڈوب گیا عید کا چاند

 

[عرفان سرور]

میری آرزوؤں کی تمہید تم ہو
میرا چاند تم ہو میری عید تم ہو

 

[عرفان سرور]

کتنے ترسے ہوئے ہیں عیدوں کو
وہ جو عیدوں کی بات کرتے ہیں

 

[عرفان سرور]

عید آئی ہے سلگتی ہوئی یادیں لے کر
آج پھر اپنی اداسی پہ ترس آتا ہے