عید کے موضوع پر اشعار

[عرفان سرور]

اسلام و علیکم۔۔۔!
اس کے آبروئے خمیدہ کی طرح تیکھا تھا
اپنی آنکھوں میں بڑی دیر چبھا عید کا چاند۔۔۔!

 

[عرفان سرور]

عید کا دن ہے سو کمرے میں پڑا ہوں اسلم
اپنے دروازے کو باہر سے مقفل کرکے۔۔۔۔!

 

[صائمہ شاہ]

آنے والی رتوں کے آنچل میں
کوئی ساعت سعید کیا ہو گی
گل نہ ہو گا تو جشنِ خوشبو کیا
تم نہ ہو گے تو عید کیا ہو گی

 

[محمد بلال اعظم]

آنے والی رتوں کے آنچل میں
کوئی ساعت سعید کیا ہو گی
گل نہ ہو گا تو جشنِ خوشبو کیا
تم نہ ہو گے تو عید کیا ہو گی

پروین شاکر

 

[محمد بلال اعظم]

اسلام و علیکم۔۔۔ !
ان کے ابروئے خمیدہ کی طرح تیکھا تھا
اپنی آنکھوں میں بڑی دیر چبھا عید کا چاند۔۔۔ !

ساغر صدیقی

چاک دامن کو جو دیکھا تو ملا عید کا چاند
اپنی تقدیر کہاں بھول گیا عید کا چاند

ان کے ابروئے خمیدہ کی طرح تیکھا ہے
اپنی آنکھوں میں بڑی دیر چبھا، عید کا چاند

جانے کیوں آپ کے رخسار مہک اٹھتے ہیں
جب کبھی کان میں چپکے سے کہا، "عید کا چاند"

دور ویران بسیرے میں دیا ہو جیسے
غم کی دیوار سے دیکھا تو لگا عید کا چاند

لے کے حالات کے صحراؤں میں آ جاتا ہے
آج بھی خلد کی رنگین فضا، عید کا چاند

تلخیاں بڑھ گئیں جب زیست کے پیمانے میں
گھول کر درد کے ماروں نے پیا عید کا چاند

چشم تو وسعت افلاک میں کھوئی ساغر
دل نے اک اور جگہ ڈھونڈ لیا عید کا چاند

 

[صائمہ شاہ]

ادھر سے چاند ھم دیکھیں، اُدھر سے چاند تم دیکھو
نگاہوں کا تصادم ھو اور اپنی عید ھو جایے

 

[مزمل شیخ بسمل]

گلے ملے نہ میسر تمھاری دید ہوئی
تمہیں کہو یہ محرم ہوا کہ عید ہوئی

 

[محمد بلال اعظم]

تیرے بغیر ہم نے گزاری ہے ایسے عید
جیسے سفر میں شامِ غریباں گزر گئی

 

[صائمہ شاہ]

سب لوگ دیکھتے ہیں کھڑے چاند عید کا
مشتاق ہوں میں‌رشک قمر تیری دید کا
بہادر شاہ ظفر

 

[محمد بلال اعظم]

علامہ اقبال نے بھی ” عید پر شعر لکھنے کی فرمائش کے جواب میں ” یہ لکھا تھا :
یہ شالامار میں اک برگِ زرد کہتا تھا
گیا وہ موسم۔ گل جس کا راز دار ہوں میں
نہ پائمال کریں مجھ کو زائرانِ چمن
انھیں کی شاخِ نشیمن کی یاد گار ہوں میں
ذرا سے پتّے نے بیتاب کرد یا دل کو
چمن میں آ کے سراپا غمِ بہار ہوں میں
خزاں میں مجھکو رلاتی ہے یادِ فصلِ بہار
خوشی ہو عید کی کیونکر کہ سوگوار ہوں میں
اجاڑ ہوگئے عہدِ کہن کے میخانے
گذ شتہ بادہ پرستوں کی یاد گار ہوں میں
پیامِ عیش و مسرّت ہمیں سنا تا ہے
ہلالِ عید ہماری ہنسی اڑاتا ہے

 

[محمد بلال اعظم]

گئے برس کی عید کا دن کیا اچھا تھا
چاند کو دیکھ کے اس کا چہرہ دیکھا تھا
(پروین شاکر)

 

[محمد بلال اعظم]

دن بھر خفا تھی مجھ سے مگر چاند رات کو
مہندہ سے میرا نام لکھا اس نے ہاتھ پر

 

[محمد بلال اعظم]

آج کے دن صاف ہوجاتا ہے دل اغیار کا
آؤ مل لو عید یہ موقع نہیں تکرار کا
(منیر نیازی)

 

[صائمہ شاہ]

​

ہوئی عید سب نے پہنے طرب و خوشی کے جامے
نہ ہوا کہ ہم بھی بدلیں ، یہ لباس سوگواراں

 

[صائمہ شاہ]

دل دکھا ہے نہ وہ پہلا سا نہ جاں تڑپی ہے
ہم ہی غافل تھے کہ آئی ہی نہیں عید اب کے

 

[عرفان سرور]

کرکے دروازہ بند بیٹھے ہو
عید کا دن بھی یوں گزارو گے؟؟؟

 

[شمشاد]

عید کے عنوان پر اشعار اور نظمیں

 

[عرفان سرور]

تیرے بغیر ہم نے گزاری ہے ایسے عید
جیسے سفر میں شامِ غریباں گزر گئی

 

[عرفان سرور]

عید کا چاند جو دیکھا تو مجھے یاد آیا
بن ترے ہم نے بھی اک سال بسر کر ہی لیا

 

[عرفان سرور]

دے انہیں جنبش کبھی عہد وفا کے واسطے
تیرے ہونٹوں میں‌ نہاں میرا ہلالِ عید ہے
(جوش)