مبارکباد عید مبارک

رباب واسطی

محفلین
یک دم ، یک دم، عید مبارک
انج وی ہمدم ، عید مبارک

ادھی راتیں اسماناں تے
چَن مُتَجَسَّم، عید مبارک

مینوں آ کے پَٹ اُٹھایا
آکھیا جانم ، عید مبارک

رویت ہلال نے کر دتا اے
اُچّا پرچم ، عید مبارک

سرکاری اعلان تے سجنوں
سب نوں جم جم عید مبارک

عید ای ہے ناں، رج مناؤو
کاہدا اے غم ، عید مبارک

کج کہندے ہک روزہ کھا گئے
دین دے حاتم، عید مبارک

چنگی گل اے عید مَنئیسِن
سارے باہم، عید مبارک

ایہہ تے ہے ناں جھیڑا مِتھیا
مُفتیءِ اعظم، عید مبارک

چن دِسیا تے اُتّر دَکھّن
پورب پچھم ، عید مبارک

شوکت میرے ولّوں سب نوں
ایہہ مُتَبَسَّم، عید مبارک

شوکت کاٹھیا
 
Top