عمر بھر آنکھوں میں پانی لے کر --- برائے اصلاح

[loneliness4ever]

السلام علیکم اہل محفل
امید ہے تمام احباب خیر سے ہونگے
فقیر پھر خدمت میں حاضر ہوا ہے
اس امید کے ساتھ کہ ہمیشہ کی طرح
اصلاح کے انمول موتیوں سے نوازا جائے گا
سدا آباد رہیں۔۔۔۔۔۔۔۔آمین صد آمین

عمر بھر آنکھوں میں پانی لے کر
اس سے پلٹا ھوں نشانی لے کر

چھوڑ آیا اس کے در پر خود کو
نامکمل اک کہانی لے کر

لوٹ آتی ہیں دعائیں ساری
ضوفشانی بدگمانی لے کر

شام ہونے پر پلٹنا ہی تھا
شب کو خوابوں کی کہانی لے کر

موت بھی دیتا نہیں ہے ظالم
وقت لوگوں سے جوانی لے کر

تھام دیتا ہے تمنا جینے کی
وقت ظالم زندگانی لے کر

خاک ہوتی ہے معزز صاحب
خاک پر کب حکمرانی لے کر

راکھ سےیہ لوگ ہوجاتے ہیں
خود ہی دل میں بدگمانی لے کر

تجھ کو پچھتانا ہی تھا دل بسمل
خواہشوں کی راجدھانی لے کر

موت ہی مخمور بہتر ٹھہری
ظلمتوں پر بے زبانی لے کر

 

[الف عین]

مطلع فاعلاتن فعلاتن فعلن سمجھ کر روانی کی داد دے رہا تھا کہ معلوم ہوا کہ بحر وہ نہیں، تجرباتی ہے، فاعلاتن فاعلاتن فعلن
اس بحر میں روانی کی شدید کمی محسوس ہوتی ہے۔کئی مصرعے دونوں بحروں میں تقطیع ہو رہے ہیں
بہتر ہو کہ فاعلاتن فعلاتن فعلن میں ہی ڈھال لیں سارے اشعار

 

[جاسمن]

خوب!