بارات پر نچھاور کیے جانے والے پیسے اور چیز ہیں اور یہ جس کے ہاتھ لگیں اسی کے ہوتے ہیں۔ بیل یا ویل خاص باجے والے، گانے والوں، ڈومنیوں، میراثیوں، بھانڈوں یا ہیجڑوں وغیرہ کے ہوتے ہیں، ہر کسی کے نہیں۔ اور یہ نچھاور نہیں کیئے جاتے بلکہ ایک خاص انداز سے دیئے جاتے ہیں جیسے ایک نوٹ کو ہاتھ میں تھام کر کسی کے سر کے پاس کرنا جسے لینے والے اچک لیتے تھے اور ساتھ میں نام اور رقم کا اعلان بھی کرتے تھے۔ بیل لینے والے اتنے فنکار ہوتے تھے کہ وہیں بیٹھے بیٹھے بیلوں کی مقابلہ بازی شروع کروا دیتے تھے اور حریف بڑھ چڑھ کر بیلیں دینا شروع کر دیتے تھے۔
