فرخ منظور
لائبریرین
طلسم
بُجھ گیا ہے وُہ ستارہ جو مِری رُوح میں تھا
کھو گئی ہے وُہ حرارت جو تِری یاد میں تھی
وُہ نہیں عِشرتِ آسودگیِ منزِل میں
جو کسک جادۂ گُم گشتہ کی اُفتاد میں تھی
دُور اِک شمع لرزتی ہے پس ِ پردۂ شب
اِک زمانہ تھا کہ یہ لَو مِری فریاد میں تھی
ایک لاوے کی دھمک آتی تھی کُہساروں سے
اِک قیامت کی تپش تیشۂ فرہاد میں تھی
ناسخِ ساعتِ اِمروز کہاں سے لائے
وُہ کہانی جو نظر بندیِ اجداد میں تھی
(مصطفیٰ زیدی)
قبائے سَاز
بُجھ گیا ہے وُہ ستارہ جو مِری رُوح میں تھا
کھو گئی ہے وُہ حرارت جو تِری یاد میں تھی
وُہ نہیں عِشرتِ آسودگیِ منزِل میں
جو کسک جادۂ گُم گشتہ کی اُفتاد میں تھی
دُور اِک شمع لرزتی ہے پس ِ پردۂ شب
اِک زمانہ تھا کہ یہ لَو مِری فریاد میں تھی
ایک لاوے کی دھمک آتی تھی کُہساروں سے
اِک قیامت کی تپش تیشۂ فرہاد میں تھی
ناسخِ ساعتِ اِمروز کہاں سے لائے
وُہ کہانی جو نظر بندیِ اجداد میں تھی
(مصطفیٰ زیدی)
قبائے سَاز