ولی دکنی صنم میرا سخن سوں آشنا ہے - ولی دکنی

[حسان خان]

صنم میرا سخن سوں آشنا ہے​

مجھے فکرِ سخن کرنا روا ہے​

​

چمن میں وصل کے ہر جلوۂ یار​

گلِ رنگیں بہارِ مدعا ہے​

​

نہ بخشے کیوں ترا خط زندگانی​

کہ موجِ چشمۂ آبِ بقا ہے​

​

تغافل نے ترے زخمی کیا مجھ​

تری یہ کم نگاہی نیمچا ہے​

​

نئیں واں آب غیر از آبِ خنجر​

شہادت گاہِ عاشق کربلا ہے​

​

غنیمت بوجھ ملنے کوں ولی کے​

نگاہِ پاکبازاں کیمیا ہے​

​

(ولی دکنی)​

 

[محارب کاش]

واہ نہایت عمدہ لاجواب

 

[میم الف]

ولی دکنی کے بعض شعروں سے لگتا ہے جیسے وہ ولی اللہ ہیں