صدیوں کا فاصلہ ہے جنگل سے میرے گھر تک

ماہیوال

محفلین
صدیوں کا فاصلہ ہے جنگل سے میرے گھر تک

شاخِ ثمر بکف سے تخلیق کے ہنر تک

اُس پا پیادگی سے ، اِس برق پا سفر تک


یہ فاصلہ ہے میرے ذہن رسا کا ضامن

منزل سے تا بہ منز ل ہر نقش پا کا ضامن

ہر خواب، ہر حقیقت ، ہر ارتقا کا ضامن


اب میری دسترس میں سورج بھی ہے ہوا بھی

یہ پُر کشش زمیں بھی ، وہ بے کشش خلا بھی

اب تو ہے میری زد میں ، دنیا ئے ِ ما ورا بھی

پھر بھی نہ جانے کیوں میں جنگل کو اتنا چاہوں

فردوس گم شدہ کے موہوم خواب دیکھوں

آنگن میں کچھ نہیں تو ایک پیڑ ہی لگائو ں
 

نایاب

لائبریرین
السلام علیکم
محترم ماہیوال جی
بہت خوب
۔۔۔۔۔۔۔۔۔۔۔۔۔۔۔۔۔
اب میری دسترس میں سورج بھی ہے ہوا بھی

یہ پُر کشش زمیں بھی ، وہ بے کشش خلا بھی

اب تو ہے میری زد میں ، دنیا ئے ِ ما ورا بھی

پھر بھی نہ جانے کیوں میں جنگل کو اتنا چاہوں
۔۔۔۔۔۔۔۔۔۔۔۔
جب بہار آئی تو صحرا کی جانب چل نکلا
اللہ کرے زور علم و عمل اور زیادہ آمین
نایاب
 
Top