صدارت کا وہ زمانا یاد ہے

[یوسف-2]

چپکے چپکے رات دن نوٹوں کالانا یاد ہے​

ہم کو اب تک صدارتی کا وہ زمانہ یاد ہے​

بے نظیرو مردِ اول، صد ہزاراں اشتیاق​

’تجھ سے وہ پہلے پہل دل کا لگانا یاد ہے‘​

بار بار لینا مِرا، ٹین پرسینٹ وہ شوق سے ​

اور ترا غصے سے وہ آنکھیں دکھانا یاد ہے​

ایم کیو ایم سے ملتے ہی وہ بے پاک ہو جانا مرا ​

اور مرزا کا دانتوں میں وہ انگلی دبانا یاد ہے​

کھینچ لینا وہ مرا نوٹوں کا بنڈل دفعتاً​

روتے ہوئے لوگوں کا منہ چھپانا یاد ہے​

جا کرامریکہ مجھے، وہ قصد ِ پا بوسی مرا ​

’اور ترا ٹھکرا کے سر، ڈرون گرانا یاد ہے‘​

’جب سِوا میرے تمہارا کوئی دیوانہ نہ تھا‘​

سچ کہو کچھ تم کو بھی وہ کیانی کا گانا یاد ہے​

آ گیا گر میڈیا میں کہیں ذکر ِ کیانی ایک بار​

وہ مِرا رو رو کے تجھ کو بھی ڈرانا یاد ہے​

صدارتی ایوان میں میرا جی بہلانے کے لیے​

حقانی کا امریکہ سے، ننگے پاؤں آنا یاد ہے​

’آج تک نظروں میں ہے وہ صحبتِ راز و نیاز‘​

اپنا آنا یاد ہے اور مشرف کا جانا یاد ہے​

شوق میں ڈرون کے وہ بے دست و پا ہونا مِرا​

اور ترا وہ مارنا، لاشیں گرانا یاد ہے​

ٹارگٹ کلنگ، بم دھماکے، شورِ شریفاں​

آج تک عہدِ صدارت کا وہ زمانا یاد ہے​

​

(حسرت موہانی کی روح، فاعلاتن فاعلات کے متوالوں اور دورِ جمہور کے جیالوں سے معذرت کے ساتھ )​