صارفین کی پرائیویسی نہ رکھنے پرواٹس ایپ بانی نے فیس بک چھوڑ دیا

محمداحمد

لائبریرین
دنیا کی سب سے بڑی سوشل ویب سائٹ فیس بک کی ملکیت انسٹنٹ میسیجنگ ایپلی کیشن واٹس ایپ کے شریک بانی اور چیف ایگزیکٹو آفیسر (سی ای او) جان کوم نے بھی فیس بک کو چھوڑ دیا۔

اس سے قبل واٹس ایپ کے دوسرے شریک بانی برائن ایکٹن نے بھی رواں برس مارچ میں نہ صرف اس کمپنی کو چھوڑ دیا تھا، بلکہ اس نے فیس بک سے اپنا اکاؤنٹ بھی ڈیلیٹ کردیا تھا۔

برائن ایکٹن کے بعد واٹس ایپ کو بنانے والے دوسرے بانی جان کوم نے بھی فیس بک کا ساتھ چھوڑنے کا اعلان کرتے ہوئے کہا کہ وہ آج اپنی بنائی گئی ایپلی کیشن کو ایسے وقت میں چھوڑ رہے ہیں، جب وہ پہلے سے زیادہ مضبوط بن چکی ہے۔

5ae84cb00170d.jpg

واٹس ایپ کے شریک بانی اور سی ای او جان کوم نے اپنی فیس بک پوسٹ میں اعلان کیا کہ وہ ایک دہائی تک سماجی ویب سائٹ کے ساتھ کام کرنے کے بعد ان سے الگ ہو رہے ہیں۔

It's been almost a decade since Brian and I started WhatsApp, and it's been an amazing journey with some of the best people. But it is time for me to move on. I've been blessed to work with such an incredibly small team and see how a crazy amount of focus can produce an app used by so many people all over the world.

I'm leaving at a time when people are using WhatsApp in more ways than I could have imagined. The team is stronger than ever and it'll continue to do amazing things. I'm taking some time off to do things I enjoy outside of technology, such as collecting rare air-cooled Porsches, working on my cars and playing ultimate frisbee. And I'll still be cheering WhatsApp on – just from the outside. Thanks to everyone who has made this journey possible.
فیس بک میسج کاربط

جان کوم نے لکھا کہ جب انہوں نے واٹس ایپ بنائی تھی تو اسے کم لوگ استعمال کرتے تھے، لیکن اب جب وہ فیس بک اور واٹس ایپ کو چھوڑ رہے ہیں تو اسے بہت سارے لوگ استعمال کر رہے ہیں اور وہ پہلے سے زیادہ مضبوط بن چکی ہے۔

جان کوم نے لکھا کہ اب وہ ٹیکنالوجی کی دنیا سے وقفہ حاصل کرکے اپنی گاڑیوں کا خیال رکھنے سمیت فرسبی کا کھیل کھیلیں گے۔

یہ بھی پڑھیں: واٹس ایپ کے شریک بانی بھی فیس بک چھوڑنے کے حامی
خیال رہے کہ جان کوم اور برائن ایکٹن نے فیس بک کو چھوڑنے کا فیصلہ اس لیے کیا، کیوں کہ اس کمپنی نے واٹس ایپ کی پرائیویسی تبدیل کرکے صارفین کے اعتبار کو دھوکا دیا۔

جان کوم اور برائن ایکٹن کو صارفین کی پرائیویسی کا علمبردار سمجھا جاتا ہے، انہوں نے واٹس ایپ بناتے وقت اس بات کا خیال رکھا تھا کہ ہر انسان کی اپنی ذاتی معلومات اور زندگی ہوتی ہے، جسے راز میں رہنا چاہیے۔

تاہم 2014 میں فیس بک نے واٹس ایپ کو 19 ارب ڈالرز میں خریدنے کے بعد اس کی پرائیویسی میں متعدد تبدیلیاں کیں، جس پر جان کوم اور برائن ایکٹن نے اختلافات کیے اور کمپنی سے الگ ہوگئے۔
5ae84c162862c.jpg

—اسکرین شاٹ
جان کوم کی جانب سے فیس بک کو چھوڑے جانے کی پوسٹ پر جہاں ٹیکنالوجی کی دنیا سے وابستہ متعدد افراد نے کمنٹس کیے، وہیں مارک زکربرگ نے بھی کمنٹ کیا۔

مارک زکر برگ نے جان کوم کے کام اور خدمات کی تعریف کرتے ہوئے لکھا کہ وہ انہیں اور ان کے کام کو ہمیشہ یاد رکھیں گے۔

اگرچہ جان کوم نے بھی فیس بک کا ساتھ چھوڑدیا، تاہم انہوں نے سماجی ویب سائٹ سے اپنا اکاؤنٹ ڈیلیٹ نہیں کیا، ان کے فیس بک اکاؤنٹ سے اندازہ ہوتا ہے کہ وہ سماجی رابطوں کی ویب سائٹ پر متحرک رہتے ہیں۔

جان کوم نے فیس بک چھوڑنے کے اعلان سے قبل گزشتہ ماہ 18 اپریل کو اسرائیل کے دن پر وزیر اعظم نیتن یاہو کی ایک ویڈیو شیئر کی تھی، جس میں اسرائیل کی ریاست سے متعلق بات کرتے نظر آ رہے ہیں۔

اسی طرح انہوں نے 12 اپریل کو بھی ایک ویڈیو شیئر کی تھی، جس میں صحیونیوں کو ہولوکاسٹ کے موقع پر موسیقی بجاتے ہوئے دیکھا جاسکتا ہے۔

اس ویڈیو کے کیپشن میں انہوں نے یروشلم (بیت المقدس) کو یہودیوں کا ابدی دارالحکومت بھی قرار دیا تھا۔

ربط و باقی ماندہ
 
دو دن پہلے میں اپنا موبائل فون گھر چھوڑ گیا اور تقریبا ایک گھنٹہ مختلف جگہوں پر پیدل گھومتا رہا ، واپس آیا تو مجھے ایسے لگا کہ میں نے ایک گھنٹہ عجیب سے سکون کا گزارا ۔ :)
 

محمداحمد

لائبریرین
دو دن پہلے میں اپنا موبائل فون گھر چھوڑ گیا اور تقریبا ایک گھنٹہ مختلف جگہوں پر پیدل گھومتا رہا ، واپس آیا تو مجھے ایسے لگا کہ میں نے ایک گھنٹہ عجیب سے سکون کا گزارا ۔ :)

سکون تو بہت ملتا ہے لیکن اب ہم لوگ ایسے سکون کے متلاشی رہے کہاں ہیں۔

ہم تو جب تک نوٹیفیکیشن دیکھ دیکھ کر پاگل نہ ہو جائیں تب تک ہمیں سکون نہیں ملتا۔ :)
 
Top