محسن نقوی شیرازہ

[محمد بلال اعظم]

محسن نقوی کے چند قطعات و اشعار:​

​

چاندنی کارگر نہیں ہوتی​

تیرگی مختصر نہیں ہوتی​

اس کی زلفیں اگر بکھر جائیں​

احترامن سحر نہیں ہوتی​

​

۔۔۔۔۔۔۔۔۔۔۔۔۔۔۔۔۔​

​

مخلوق تو فنکار ہے اس درجہ کہ پل میں​

سنگِ درِ کعبہ سے بھی اصنام تراشے​

تو کون ہے اور کیا ہے، ترا داغِ قبا بھی​

دنیا نے تو مریم پہ الزام تراشے​

 

[محمد بلال اعظم]

نوجوانی غمِ پندار سے جل سکتی ہے​

آرزو کاسہ افلاک میں ڈھل سکتی ہے​

راس آ جائے اگر فصلِ برہنہ پائی​

زندگی خارِ مغیلاں پہ بھی چل سکتی ہے​

​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

​

جسے قبائے امارت سمجھ رہے ہیں جناب​

کسی کے جسم سے چھینا ہوا کفن تو نہیں​

امیرِ شہر کی مسند کو غور سے دیکھو​

کسی غریب کی بیٹی کا پیرہن تو نہیں​

 

[محمد بلال اعظم]

تیری رفتار ہے یا رقصِ غزالانِ حرم​

تیری آواز ہے یا نغمگئ لحنِ "درود"​

تیری گردن ہے کہ مر مر کی صراحی کی جمال​

تیرے بازو ہیں کہ دو غزلیں بہ ہنگامِ ورود​

​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

​

ترے ہجراں سے تعلق کو نبھانے کے لئے​

میں نے اس سال بھی جینے کی قسم کھائی ہے​

 

[محمد بلال اعظم]

تو نے نفرت سے جو دیکھا تو مجھے یاد آیا۔!​

کیسے رشتے تری خاطر یونہی توڑ آ یا ہوں​

کتنے دھندلے ہیں یہ چہرے جنہیں اپنایا ہے​

کیسی اجلی تھی وہ آنکھیں جنہیں چھوڑ آ یا ہوں​

​

۔۔۔۔۔۔۔۔۔۔۔۔۔۔۔۔۔​

​

آ جا کہ ابھی ضبط کا موسم نہیں گزرا​

آ جا کہ پہاڑوں پہ ابھی برف جمی ہے​

خوشبو کے جزیروں سے ستاروں کی حدوں تک​

اس شہر میں سب کچھ ہے بس اک تری کمی ہے​

 

[محمد بلال اعظم]

چل مرے ساتھ تُو کبھی کسی ویرانے میں​

میں تجھے شہر کے ماحول سے ہٹ کر دیکھوں​

مجھ کو ضد ہے کہ میری بینائی رہے یا نہ رہے​

تیرے چہرے کی نقابیں تو الٹ کر دیکھوں​

​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

​

ہر گھڑی وقفِ طرف صبحِ ازل کی صورت​

ہر نفس گرمِ جنوں تھا دمِ عیسیٰ کی طرح​

میں نے اس مریمِ معصوم کی خاطر محسن​

دل کو سو بار سجایا ہے کلیسا کی طرح​

 

[سید زبیر]

مجھ کو ضد ہے کہ میری بینائی رہے یا نہ رہے
تیرے چہرے کی نقابیں تو الٹ کر دیکھوں
لا جواب کلام

 

[محمد بلال اعظم]

مجھ کو ضد ہے کہ میری بینائی رہے یا نہ رہے
تیرے چہرے کی نقابیں تو الٹ کر دیکھوں
لا جواب کلام

شکریہ زبیر صاحب، بہت بہت شکریہ۔

 

[نایاب]

لاجواب شراکت

مخلوق تو فنکار ہے اس درجہ کہ پل میں​

سنگِ درِ کعبہ سے بھی اصنام تراشے​

تو کون ہے اور کیا ہے، ترا داغِ قبا بھی​

دنیا نے تو مریم پہ الزام تراشے​

 

[نیرنگ خیال]

مخلوق تو فنکار ہے اس درجہ کہ پل میں​

سنگِ درِ کعبہ سے بھی اصنام تراشے​

تو کون ہے اور کیا ہے، ترا داغِ قبا بھی​

دنیا نے تو مریم پہ الزام تراشے​

بہت ہی عمدہ​

 

[کاشفی]

بہت ہی عمدہ اور لاجواب!

 

[محمد بلال اعظم]

لاجواب شراکت

مخلوق تو فنکار ہے اس درجہ کہ پل میں​

سنگِ درِ کعبہ سے بھی اصنام تراشے​

تو کون ہے اور کیا ہے، ترا داغِ قبا بھی​

دنیا نے تو مریم پہ الزام تراشے​

نایاب بھائی، آپ کا بہت بہت شکریہ

 

[محمد بلال اعظم]

مخلوق تو فنکار ہے اس درجہ کہ پل میں​

سنگِ درِ کعبہ سے بھی اصنام تراشے​

تو کون ہے اور کیا ہے، ترا داغِ قبا بھی​

دنیا نے تو مریم پہ الزام تراشے​

بہت ہی عمدہ​

نیرنگ جی آپ کا بہت بہت شکریہ۔

 

[محمد بلال اعظم]

بہت ہی عمدہ اور لاجواب!

شکریہ کاشفی صاحب