شعر و شاعر (اشعار اور خالق)

[طارق شاہ]

ہے مُدّعائے عِشق ہی دُنیائے مُدّعا
یہ مُدّعا نہ ہو، تو کوئی مُدّعا نہ ہو

ابوالاثرحفیظ جالندھری

 

[طارق شاہ]

​

پایانِ کارموت ہی آئی بروئے کار
ہم کو تو وصل چاہیے کوئی بہانہ ہو

ابوالاثرحفیظ جالندھری

 

[طارق شاہ]

مِرے جذبِ عشق کو کیا ہُوا، وہ کہاں گئی کَشِشِ وَفا
مجھے کوئی یاد کرے گا کیا ، جو تُمھیں کو یاد نہ آسکوُں

حفیظ ہوشیارپوری

 

[طارق شاہ]

اللہ اللہ کہہ کے بس اِک آہ کرنا، رہ گیا
وہ نمازیں، وہ دُعائیں، وہ مناجاتیں گئیں

ابوالاثرحفیظ جالندھری

 

[عادل اسحاق]

نہ یہ غم نیانہ ستم نیا کہ تری جفا کا گلہ کریں
یہ نظرتھی پہلے بھی مضطرب یہ کسک تو دل میں کبھو کی ہے

فیض احمد فیض

 

[طارق شاہ]

وہ جو نہیں غزل نہیں
کشْف و کمال لے گیا

دِل تھا خلِش جوسِینے میں
شاہِ جَمال لے گیا

شفیق خلش

 

[طارق شاہ]

کیسے پیماں، کہاں کے قول و قرار
اُس ستمگر کو یاد ہو کچھ تو

احمد فراز

 

[عادل اسحاق]

دل کی خلش تو ساتھ رہے گی تمام عُمر
دریائے غم کے پار اتر جائیں ہم تو کیا

منیرؔ نیازی

 

[عادل اسحاق]

زہر ملتا ہی نہیں مجھ کو ستم گر ورنہ
کیا قسم ہے تیرے ملنے کی کہ کھا بھی نہ سکوں

غالب

 

[طارق شاہ]

حالِ دِل کِس کو سُناؤں، کہ شُروعات ہی میں !
کہہ اُٹھیں، جو بھی بظاہر ہیں مِرے یار کہ بس

شفیق خلش

 

[طارق شاہ]

کیا زمانہ تھا، دھڑکتے تھے بیک رنگ یہ جب !
درمیاں دِل کے اُٹھی یُوں کوئی دیوار کہ بس

شفیق خلش

 

[طارق شاہ]

بارہا در سے اُٹھانے پہ، دوبارہ تھا وہیں !
میں رہا دِل سے خود اپنے ہی یُوں ناچار کہ بس

شفیق خلش

 

[طارق شاہ]

اِک خوشی کی بھی نہیں بات سُنانے کو خلِش !
گُزرے ایسے ہیں مِری زیست کے ادوار کہ بس

شفیق خلش

 

[طارق شاہ]

وطن میں رہتےہیں، یہ شرف ہی کیا کم ہے
یہ کیا ضرور، کہ آب و ہَوا بھی راس آئے

شاذ تمکنت

 

[طارق شاہ]

یہ تیرا رنگِ سُخن، تیرا بانکپن ، اے شاذ
کہ شعر راس تو آئے، انا بھی راس آئے

شاذ تمکنت

 

[طارق شاہ]

اب وُسعتِ عالَم بھی، کم ہے مِری وَحشت کو
کیا مجھ کو ڈرائے گی، اِس دشت کی پہنائی

شہزاد احمد شہزاد

 

[طارق شاہ]

اِک شام وہ آئے تھے، اِک رات فروزاں تھی
وہ شام نہیں لوٹی، وہ رات نہیں آئی

شہزاد احمد شہزاد

 

[طارق شاہ]

جب وقت پڑا دِل پر، کُچھ کام نہ تم آئے
تھی چارہ گری خاطر، اِک شام نہ تم آئے

شفیق خلش

 

[طارق شاہ]

کم ظُلم و سِتم تم نے، ہم پر نہ رَوا رکھّا
دے وعدہ و آمد کے پیغام، نہ تم آئے

شفیق خلش

 

[طارق شاہ]

جو خبر پُہنچی یہاں تک، اصل صُورت میں نہ تھی
تھی خبر اچھی، مگر اہلِ خبر اچھّے نہ تھے

مُنیر نیازی