شعر و شاعر (اشعار اور خالق)

[طارق شاہ]

ہے ایک طُرفہ تماشا طَبِیعَتِ عُشّاق!
کبھی فِراق میں باتیں، کبھی وِصال میں چُپ

مُنؔیر نیازی

 

[طارق شاہ]

اب یاد کبھی آئے، تو آئینے سے پُوچھو !
محبوُب خِزاں شام کو گھر کیوں نہیں جاتے

محبوُب خِزاں

 

[طارق شاہ]

میں کہیں اور ، کِس طرح جاؤں !
تو کسی اور کے عِلاوہ نہیں

محبوُب خِزاں

 

[طارق شاہ]

کیا حرِیفانہ گزُاری ہےحیاتِ نغمہ کار !
میں زمانے کا، زمانہ میرا ٹُھکرایا رہا

صہباؔ اختر

 

[طارق شاہ]

صہباؔ ، بہت سِیاہ سہی، یہ شبِ ملال !
گونجے گی پھر سَحر کی اذاں جاگتے رہو

صہباؔ اختر

 

[طارق شاہ]

ز ند گی، تُو تو گو ا ر ا ہے مگر اُ س کے بغیر !
مسئلہ یہ ہے، تجھے کیسے گز ا ر ا جا ئے ؟

عرفاؔن صادق

 

[طارق شاہ]

ضبط ِغم ہی کا یہ صِلہ سا لگے
مُنہ میں اشکوں کا ذائقہ سا لگے

اپنا سایا ہو ہمقدم تو مجھے !
تیرے ہونے کا شائبہ سا لگے

شفیق خلؔش

 

[طارق شاہ]

سب ڈھلے وہ حقیقتوں میں قیاس !
پہلے پہلے جو واہمہ سا لگے

سہل کیا اُن سے گفتگو تھی خلِؔش
اب تو مُشکِل ہے رابطہ سا لگے

شفیق خلؔش

 

[فرحت کیانی]

صہباؔ ، بہت سِیاہ سہی، یہ شبِ ملال !
گونجے گی پھر سَحر کی اذاں جاگتے رہو

صہباؔ اختر

واہ!!!

 

[طارق شاہ]

عتابِ اہلِ جہاں سب بُھُلا دِئے، لیکن
وہ زخم یاد ہیں اب تک، جو غائبانہ لگے

دِکھاؤں داغِ مُحبّت جو نا گوار نہ ہو
سُناؤں قصّۂ فُرقت، اگر بُرا نہ لگے

ناصؔر کاظمی

 

[طارق شاہ]

سب ہیں اسِیرِ راہگزر، کیا کرُوں گا میں
اِن قافِلوں کے ساتھ سفر کیا کرُوں گا میں

مِلتا نہیں مِزاج مِرا، اہلِ بزم سے !
آ تو گیا ہُوں سیفؔ! مگر کیا کرُوں گا میں

سیف الدین سیفؔ

 

[طارق شاہ]

جو عُمر تھی، وہ گوشہ نشینی میں کٹ گئی
اب کاروبار جنسِ ہُنر، کیا کرُوں گا میں

جو دِن گُزر گئے ہیں، گُزارے ہیں کِس طرح !
جو عُمر بچ رہی ہے بَسر کیا کرُوں گا میں

سیف الدین سیفؔ

 

[طارق شاہ]

یہ دِل ہے کہ جلتے سینے میں، اِک درد کا پھوڑا الہڑ سا !
ناگپت رہے، نا پُھوٹ بہے، کوئی مرہَم ہو، کوئی نشتر ہو

وہ راتیں، چاند کے ساتھ گئیں، وہ باتیں چاند کے ساتھ گئیں !
اب سُکھ کے سپنے کیا دیکھیں، جب دُکھ کا سُورج سر پر ہو

ابنِ انشؔا

 

[طارق شاہ]

دُھوپ ڈھلنے لگی، دِیوار سے سایا اُترا
سطح ہموار ہُوئی، پیار کا دریا اُترا

یاد سے نام مِٹا، ذہن سے چہرہ اُترا
چند لمحوں میں نظر سے تِری کیا کیا اُترا

پروین شاکر

 

[طارق شاہ]

آزمائش میں کہاں عِشق بھی پُورا اُترا
حُسن کے آگے تو، تقدِیر کا لِکھّا اُترا

پروین شاکر

 

[طارق شاہ]

شامِ غم کچھ اُس نگاہِ ناز کی باتیں کرو !
بےخودی بڑھتی چلی ہے، راز کی باتیں کرو

نام بھی لینا ہے جس کا اِک جہانِ رنگ و بُو
دوستو! اُس نَو بہارِ ناز کی باتیں کرو

ہر رگِ دِل وجد میں آتی رہے، دُکھتی رہے !
یونہی اُس کے جا و بے جا ناز کی باتیں کرو

جو عدَم کی جان ہے، جو ہے پیامِ زندگی !
اُس سُکوتِ راز، اُس آواز کی باتیں کرو

کِس لِئے عُذرِ تغافُل، کِس لِئے اِلزامِ عِشق
آج چرخِ تفرقہ پرداز کی باتیں کرو

جو حیاتِ جاوِداں ہے، جو ہے مرگِ ناگہاں
آج کُچھ اُس ناز، اُس انداز کی باتیں کرو

جس کی فُرقت نے پَلٹ دی عِشق کی کایا فِراؔق
آج اُس عیسیٰ نفَس دَم ساز کی باتیں کرو

فِراؔق گورکھپوری

 

[طارق شاہ]

فُغان و آہ کی لذّت جو دِل ہِلے تو مِلے
نشانِ نِکہَتِ گُل، جب کلی کِھلے تو مِلے

اکبؔر الٰہ آبادی

 

[طارق شاہ]

دامنِ دل پہ نہیں بارشِ الہام ابھی
عشق نا پُختہ ابھی، جذبِ دروں خام ابھی

خود جھجکتا ہُوں کہ دعوائے جنُوں کیا کیجے
کچھ گوارا بھی ہے یہ قید در و بام ابھی

اسرار الحق مجاؔز لکھنوی

 

[طارق شاہ]

وہ میرے ضبط کا اندازہ کرنے آیا تھا
میں ہنس کے زخم نہ کھاتا، تو اور کیا کرتا ؟

اگر زبان نہ کَٹتی، تو شہر میں مُحسنؔ !
مَیں پتّھروں کو بھی اِک روز ہمنوا کرتا

مُحسؔن نقوی

 

[طارق شاہ]

گیت جِتنے لِکھے اُن کے لیے، اے موج صبا!
دل یہی چاہا کہ تُو اُن کو سُنا آئی ہو

تیرے تحفے تو سب اچّھے ہیں، مگر موجِ بہار!
اب کے میرے لیے خوشبوئے حِنا آئی ہو

پروین شاکر