شراب، بادہ ، ساقی، میخانہ، مینا، پر اشعار

[شمشاد]

یہ اگر انتظام ہے ساقی

یہ اگر انتظام ہے ساقی
پھر ہمارا سلام ہے ساقی

آج تو اذن عام ہے
رات رندوں کے نام ہے ساقی

میرے ساغر میں رات اُتری ہے
چاند تاروں کا جام ہے ساقی

ایک آئے گا،ایک جائے گا
مے کدے کا نظام ہے ساقی

جام ٹوٹے ،صراحیاں ٹوٹیں
یہ بھی اک قتل عام ہے ساقی

تیرے ہاتھوں سے پی رہاہوں شراب
مے کدہ میرے نام ہے ساقی
(بشیر بدر)

 

[عرفان سرور]

شکن نہ ڈال جبیں پر شراب دیتے ہوئے
یہ مُسکراتی ہوئی چیز مُسکرا کے پلا
سُرور چیز کی مقدار پر نہیں موقوف
شراب کم ہے تو ساقی نظر ملا کے پلا۔۔۔!
عدم

 

[عرفان سرور]

ویراں ہے مے کدہ خُم و ساغر اُداس ہیں
تم کیا گئے کہ روٹھ گئے دن بہار کے۔۔۔!
فیض

 

[عرفان سرور]

ہاتھ میں لے کر کبھی محسوس کر جام. شراب
دیکھ کیسے کھینچتا ہے دل کو یہ رنگین آب
جام کی گولائی کا احساس جیسے زندگی
آب کے قطروں سے لذت کی طرح ملتی ہوئی
امر. ربی سے سراپا عیش ہے رنگین جام
پینے والا زندگی سے ہو رہا ہے ہم کلام
جام کا ہر گھونٹ گویا وقت کا دھارا کوئی
یا فلک کے پیٹ میں جلتا ہوا تارا کوئی
ایک بحر. بے کراں ہے، اک شرر انگیز ہے
زندگی جام. شراب. ایزدی سے تیز ہے

 

[عرفان سرور]

لا پھر اِک بار وہی بادہ و جام اے ساقی
ہاتھ آ جائے مجھے میرا مقام اے ساقی
اقبال

 

[عرفان سرور]

ساقیا ایک جام پینے سے ، جنتیں لڑکھڑا کے ملتی ہیں
لالہ و گل کلام کرتے ہیں ، رحمتیں مسکرا کے ملتی ہیں
ساغر صدیقی

 

[عرفان سرور]

سب کی ساقی پہ نظر ہو یہ ضروری ہے مگر
سب پہ ساقی کی نظر ہو یہ ضروری تو نہیں

 

[عرفان سرور]

یہ رنگِ بہارِ عالم ہے ، کیوں فکر ہے تجھ کو اے ساقی
محفل تو تیری سونی نہ ہوئی،کچھ اٹھ بھی گئے کچھ آ بھی گئے

 

[عرفان سرور]

نشہ پلا کے گرانا تو سب کو آتا ہے
مزہ تو جب ہو کہ گرتے کو تھام لے ساقی

 

[عرفان سرور]

یہ اگر انتظام ہے ساقی
پھر ہمارا سلام ہے ساقی

 

[عرفان سرور]

سمجھ گیا ہوں تیری عشوہ گری اے ساقی
کام کرتی ہے نظر ، نام ہے پیمانے کا

 

[عرفان سرور]

نہیں ہے نا امید اقبالؔ اپنی کشتِ ویراں سے
ذرا نم ہوتو یہ مٹی بڑی زرخیز ہے ساقی

 

[عرفان سرور]

حالات میکدے کے کروٹ بدل رہے ہیں
ساقی بہک رہا ہے، مئےکش سنبھل رہے ہیں

 

[عرفان سرور]

یہ ہے میکدہ ، یہاں رند ہیں ، یہاں سب کا ساقی امام ہے
مگر اس کا کوئی کرے گا کیا ، یہ تو میکدے کا نظام ہے

 

[عرفان سرور]

ہنگامہ ءمحٍفل ہے کوئی دم کہ چلا میں
ساقی میرے ساغر میں ذرا کم کہ چلا میں

 

[عرفان سرور]

تیرے پیمانے میں گردش نہیں باقی ساقی
تیری محفل سے اب کوئی اٹھا چاہتا ہے

 

[شمشاد]

​

قرار ہجر میں اس کے شراب میں نہ ملا​

وہ رنگ اس گل رعنا کا خواب میں نہ ملا​

(منیر نیازی) ​

 

[شمشاد]

میر اُن نیم باز آنکھوں میں​

ساری مستی شراب کیسی ہے​

(میر تقی میر)​

 

[عرفان سرور]

ہم نے حافظ سے بگاڑی ہے نہ شیطاں سے کبھی
دن کو مسجد میں رہے رات کو میخانے میں

 

[عرفان سرور]

صبحِ بہار ہے، مجھے ساقی! پلا شراب
سب جانتے ہیں عید کا روزہ حرام ہے
(آتش)