شمشاد
لائبریرین
آ گئی جان شکنجے اندر جئیوں ویلن مُنہ گناں
رہو نوں کہو ہُن رہوے محمدؔ، ہُن رہوے تاں مناں
دشمن مرے خوشی نہ کریئے، سجناں وی مر جاناں
ڈیگر تے دن گیا محمدؔ، اوڑک نو ڈُب جاناں
اُچے ٹبے شیراں ملے، جل ملے مُرغائیاں
چارے کُوٹان موت نے ملیاں، فضل کریں رب سائیاں
نیچاں دی اشنائی کولوں پھل کسے نئیں پایا
ککر تے انگور چڑھایا، ہر گُچھا زخمایا
تیلاں باہجھ نہ بلن مشعالاں، درداں باہجھ نہ آہیں
کی ہویا تساں بولن چھڈیا، اساں ویکھن چھڈنا ناہیں
لوئے لوئے بھر لے کُڑیئے جے تُدھ بھانڈا بھرنا
شام پئی، بن شام محمدؔ، گھر جاندی نے ڈرنا
سورج دی اشنائیوں کی کُجھ ملیا نیلوفر نوں
اُڈ اُڈ موئے چکور محمدؔ، خبر نہ یار قمر نوں
اُچی جائی نیئوں لگایا، بنی مُصیبت بھاری
یاراں باہجھ محمد بخشاؔ کون کرے غمخواری؟
دلبر مُکھ وکھاندا ناہیں، داغ میرا کس دھونا؟
ماڑے دا کی زور محمدؔ، نس جانا یا رونا
مالی دا کم پانی دینا، بھر بھر مشکاں پاوے
خالق دا کم پھل پُھل لانا، لاوے یا نہ لاوے
(سیف الملوک : میاں محمد بخش)
رہو نوں کہو ہُن رہوے محمدؔ، ہُن رہوے تاں مناں
دشمن مرے خوشی نہ کریئے، سجناں وی مر جاناں
ڈیگر تے دن گیا محمدؔ، اوڑک نو ڈُب جاناں
اُچے ٹبے شیراں ملے، جل ملے مُرغائیاں
چارے کُوٹان موت نے ملیاں، فضل کریں رب سائیاں
نیچاں دی اشنائی کولوں پھل کسے نئیں پایا
ککر تے انگور چڑھایا، ہر گُچھا زخمایا
تیلاں باہجھ نہ بلن مشعالاں، درداں باہجھ نہ آہیں
کی ہویا تساں بولن چھڈیا، اساں ویکھن چھڈنا ناہیں
لوئے لوئے بھر لے کُڑیئے جے تُدھ بھانڈا بھرنا
شام پئی، بن شام محمدؔ، گھر جاندی نے ڈرنا
سورج دی اشنائیوں کی کُجھ ملیا نیلوفر نوں
اُڈ اُڈ موئے چکور محمدؔ، خبر نہ یار قمر نوں
اُچی جائی نیئوں لگایا، بنی مُصیبت بھاری
یاراں باہجھ محمد بخشاؔ کون کرے غمخواری؟
دلبر مُکھ وکھاندا ناہیں، داغ میرا کس دھونا؟
ماڑے دا کی زور محمدؔ، نس جانا یا رونا
مالی دا کم پانی دینا، بھر بھر مشکاں پاوے
خالق دا کم پھل پُھل لانا، لاوے یا نہ لاوے
(سیف الملوک : میاں محمد بخش)