سچ یا سچائی لفظ پر مشتمل اشعار

[گُلِ یاسمیں]

کھلا ہے جھوٹ کا بازار، آؤ سچ بولیں
نہ ہو بلا سے خریدار، آؤ سچ بولیں

سکوت چھایا ہے انسانیت کی قدروں پر
یہی ہے موقع ء اظہار، آؤ سچ بولیں

( قتیل شفائی)

 

[محمد عبدالرؤوف]

منحصر ہے یہ مصلحت پہ، کہ سچ
کب حقیقت ہے، کب تماشا ہے

 

[گُلِ یاسمیں]

سچ کہوں مجھ کو یہ عنوان برا لگتا ہے
ظلم سہتا ہوا انسان برا لگتا ہے
ہم مجاہد ہیں پر ایمان کی کمزوری ہے
اب ہمیں جنگ کا میدان برا لگتا ہے

 

[سیما علی]

چھپائے سے کہیں چھپتے ہیں داغ چہروں کے
نظر ہے آئینہ بردار ، آؤ سچ بولیں

قتیل جن پہ سدا پتھروں کو پیار آیا
کدھر گئے وہ گنہ گار، آؤ سچ بولیں


قتیل شفائی

 

[سیما علی]

بس یہی وقت ہے سچ منہ سے نکل جانے دو
لوگ اُتر آئے ہیں ظالم کی طرف داری پر
سلیم کوثر

 

[سیما علی]

گنگا میا ڈوبنے والے اپنے تھے
ناؤ میں کس نے چھید کیا ہے سچ بولو

جھوٹوں نے جھوٹوں سے کہا ہے سچ بولو
سرکاری اعلان ہوا ہے سچ بولو
گھر کے اندر جھوٹوں کی ایک منڈی ہے
دروازے پر لکھا ہوا ہے سچ بولو
گلدستے پر یکجہتی لکھ رکھا ہے
گلدستے کے اندر کیا ہے سچ بولو
گنگا میا ڈوبنے والے اپنے تھے
ناؤ میں کس نے چھید کیا ہے سچ بولو

راحت اندوری

 

[سیما علی]

جہل بازار میں سب جھوٹ کے گاہک ہیں ثاقبؔ
جو اس ماحول میں سچ بولتا ہے، لاپتا ہے

عمران ثاقب