سونے والے ہیں کہ لیتے نہیں انگڑائی بھی ۔۔۔۔۔۔ نصیر کوٹی

[ادب دوست]

شکوہ غم بھی گیا طاقتِ گویائی بھی
بھول جاتا ہوں کوئی بات جو یاد آئی بھی

دیکھنا بھی نہیں اس سمت گوارا ان کو
ختم ہے سلسلہء حوصلہ افزائی بھی

جب سے اندازِ بہاراں میں تغیر آیا
مٹ گیا دل سے خیالِ چمن آرائی بھی

ہر طرف بانگِ جرس ، بانگِ دِرا، بانگِ آذاں
سونے والے ہیں کہ لیتے نہیں انگڑائی بھی

کون اب ہم کو تجلی کی حقیقت سمجھائے
ہوگئے گم ترے جلوؤں میں تماشائی بھی

کتنی مشکل ہے کسی شعر کی تحلیل نصیر
کتنی دشوار ہے احساس کی گیرائی بھی ​

 

[سید عمران]

ہر طرف بانگِ جرس ، بانگِ دِرا، بانگِ آذاں
سونے والے ہیں کہ لیتے نہیں انگڑائی بھی​

واہ کیا بات ہے!!!