شكريہ ۔
1- مجھے اس تحرير ميں مذكور احاديث اور روايات كا سورس معلوم كرنا ہے۔ مثلا :
2-
يہ يقينا كوئى مذہبی نص نہیں ہے ۔ بے بیگم حضرات كى زندگی بھی مشكل ہوتى ہے اور اچھی بيوياں بھی مشكل سے ملتى ہیں اور ان كى بھی قدر ہونی چاہیے۔
3-
اكثر مرد حضرات اس حديث شريف كو صرف اتنا ہی كوٹ كرتے ہیں، اس كا باقى حصہ كيوں فراموش كر ديا جاتا ہے؟
4- ميرے خيال ميں تحرير كافى جانب دارانہ ہے ۔ شوہروں پر رعب جمانے والى عورتيں كتنے فى صد ہیں؟ اور بيويوں پر ہاتھ اٹھانے والے شوہرو ں كا كيا تناسب ہے؟ اگر نيت اصلاح معاشرہ ہے تو متوازن انداز ميں دونوں اصناف كو نصيحت كرنى چاہیے۔
ام نور العين صاحبہ ۔۔۔ السلام علیکم ورحمۃ اللہ و برکاتہ
1۔سب سے پہلے تو آپ کا شکریہ کہ آپ نے اس "مضمون" پر تبصرہ کیا۔ یہاں میں یہ واضح کرتا چلوں کہ یہ کوئی باقاعدہ مضمون نہیں۔ کافی عرصہ پہلے جنگ میں ایک بحث چلی تھی، اسی بحث میں ایک "انٹری" میری بھی تھی، جو بحث کے سیاق و سباق کے حوالہ سے تھی۔
2۔ مذکورہ بالا دونوں احادیث کافی عرصہ قبل، مختلف جگہوں پر پڑھی تھی۔ اس وقت حوالہ یاد نہیں، تلاش کرتا ہوں۔ ملنے پر آگاہ کروں گا۔
3۔ شادی شدہ مرد ہوں یا خواتین، عموما" سماجی طور پر ان لوگوں سے بہتر زندگی گزار رہے ہوتے ہیں، جو شادی نہیں کرتے یا جن کی شادی نہں ہوتی۔ ایک مطلوبہ اسلامی معاشرے میں تو بغیر شادی کئے زندگی گذارنے کا تصور ہی نہیں ہے، گو کہ شادی فرض یا واجب نہیں، صرف سنت ہے۔ مگر اس کی تاکید بہت ہے۔ واضح ہو کہ مذکورہ بحث خواتین کے حوالہ سے ہورہی تھی۔
4۔ اس حدیث کا بقیہ حصہ کیا ہے ؟ ضرور بتلائے گا، میرے علم میں نہیں ہے۔ ۔ ۔ عموما" اس حدیث کو یا حدیث کے اس حصہ کو خواتین کے "منفی پہلو" کے طور پر پیش کیا جاتا ہے۔ جبکہ ڈاکٹر ذاکر نائک کا خیال جدا ہے۔ ان کے خیال کا لب لباب یہ ہے کہ کمان ہو یا پسلی، اس کی خوبی یہی ہے کہ یہ curve shaped ہے۔ اگر کمان کو straight کردیا جائے تو یہ تیر کو اس کی منزل تک پہنچانے کا فریضہ انجام دینے سو قاصر ہوگا۔ یہی حال پسلی کا ہے۔ یہ اسی شکل میں انسانی جسم کے اہم ترین اعضاء یعنی دل اور پھیپھڑے وغیرہ کی حفاظت کا فریضہ انکام دیتی ہے۔ پسلی جملہ بیرونی دبائو کو اپنے اوپر سہہ کر انہیں محفوظ رکھتی ہے۔ اگر کمان یا پسلی کو "سیدھا" کرنے کی کوشش کی جائے تو یہ ٹوٹ کر "بے مصرف" ہوجائے گی۔ اس حدیث کا اصل مفہوم بھی یہی ہے۔
یہ تحریر "جانبدارانہ" اس لئے نظر آرہی ہے کہ یہ "یکطرفہ" ہے۔ اور یہ بحث خاموش طبع اور شور شرابہ کرنے والی بیویوں کے تقابل پر مبنی تھی۔ اور اس بحث کا آغاز ایک خاتون صحافی نے اپنے زیر ادارت صفحہ پر شروع کی تھی۔ یہ تحریر اس بحث کا ایک حصہ تھی، کوئی مستقل تحریر نہیں۔
