سرمستیوں میں روحِ جوانی کچل گئی!- اختر انصاری دہلوی

[کاشفی]

غزل​

(اختر انصاری دہلوی)​

​

سرمستیوں میں روحِ جوانی کچل گئی!​

یعنی بہار، سوزِ بہاریں سے جل گئی​

​

کیا یاد کر کےعشرتِ رفتہ کو رویئے​

اک لہر تھی جو ناچتی گاتی نکل گئی​

​

وہ اک لمحہ جس میں ہوئی تھی نظر دوچار​

اُس ایک لمحے میں مری دنیا بدل گئی​

​

تھی نکہتوں میں لپٹی ہوئی ایک یاد، آہ​

موجِ نسیم آج کلیجہ مسل گئی​

​

چھیڑا جو تونے ساز کے پردوں کو مطربہ!​

محسوس یہ ہوا کہ مری جاں نکل گئی​

​

یادش بخیر، عہدِ محبت کی شاعری​

ایک آہ تھی جو گیت کے سانچےمیں ڈھل گئی​

​

اختر گھٹائیں جھوم کے برسیں کچھ اس طرح​

ارمان جاگ اُٹھے، تمنّا مچل گئی​

 

[محمد وارث]

شکریہ کاشفی صاحب ارسال فرمانے کیلیے