سبزی کی ڈھیریوں میں چقندر تلاش کرش

[حسیب احمد حسیب]

سبزی کی ڈھیریوں میں چقندر تلاش کر


ہزل !

سبزی کی ڈھیریوں میں چقندر تلاش کر
مولی کے کھیت میں کہیں گاجر تلاش کر

تجھ کو زمین پہ نہیں ملتا کوئی اگر
چڑھ جا کس درخت پہ بندر تلاش کر

گھرمیں نہیں ہےروشنی اتنی نہیں ہےعقل
اندر جو کھو گیا ہے وہ باہر تلاش کر

خالی ہے اسکی اوپری منزل ابھی تلک
اسکے دماغ میں تو اتر کر تلاش کر

اپنے تخیلات کی دنیا بنا نئی
لانڈھی کے آس پاس تو بھکر تلاش کر

الجھا دیا گیا ہے تو دنیا کے پھیر میں
اس پھیر کا تو آخری چکر تلاش کر

ہلچل مچی فضاءمیں ہےتھپڑ کےشورسے
اسکے نشان تو کسی منہ پر تلاش کر

دکھتی نہیں ہے شان قلندر کہیں حسیب
پھر گردش حیات کی ٹھوکر تلاش کر

حسیب احمد حسیب​

 

[محمد خلیل الرحمٰن]

مزے دار مزے دار۔ بہت داد قبول ہوجناب۔

بس صرف دوسرے شعر میں دونوں جگہ پے کو پہ کردیجیے۔

 

[محمد خلیل الرحمٰن]

آخری شعر:

سلیس اردو میں دِکھائی دینا تو مستعمل ہے لیکن دِکھنا نہیں ہے۔

 

[حسیب احمد حسیب]

آخری شعر:

سلیس اردو میں دِکھائی دینا تو مستعمل ہے لیکن دِکھنا نہیں ہے۔

درست فرمایا چونکہ ہزل تھی اسلیے اتنی توجہ نہیں دی