سانوں بھکھ شکار وکھا گئی ساڈے کنبدے ہتھ غلیل (غدیر زھرا)

فرحت کیانی

لائبریرین
اونج تے پنجابی غزل نیڑے نیڑے زوال پذیر اے. سوائے انہاں چند سر پھریاں دے جیہڑے ہالے تیکر ماں بولی دا پیار سر تے بھار سمجھ کے چائی پھردے نے. پنجابی لکھن والے اونج ہی آٹے اچ لون دی تھاویں نیں فیر انہاں نوں وی جد معیار دی تگڑی تولیا جائے تے مگروں رہ ای کنے جاندے نے؟
غدیر دا کمال اے کہ اوہ نویں ورتاوے وچ نئیں پے گئی بلکہ اپنی جڑ نال تعلق دی مضبوطی دا اظہار کر کے ہمیشہ ہی ماں بولی دا مان ودھایا اے. بلاشبہ ایہو جیہیاں دھیاں تے ماں بولی وی فخر کر سکدی اے.

ہک غزل بطور انتخاب پیش اے

سانوں بھکھ شکار وکھا گئی ساڈے کنبدے ہتھ غلیل
جد پکھوآں کھب کھلارے تے اودوں آئی موت تریل

ساڈے وَن سَوَّنے تِھگڑے پر دِسدا اندروں ننگ
ساڈی اے سِنجھاپ بنا نئیں ساڈا اندر باہر میل

اے پِٹھو کنج ناں جاپدے جیویں کتے سٹدے جھگ
جنہوں مالک جان کے وگدے اوہدا ہڈی پاون کھیل

سانوں ایڈا سستا تول نئیں کیتا ماہگا بہوں وپار
دتی ماں دیاں ٹُوماں ویچ کے تیرے حسن دی سجنا ویل

جیہڑا اگ نوں چانن جاندا تے کالک جانڑے نور
پُوجھ اوس مزدور دا مُڑھکا جیہڑا لہو دا ساڑے تیل

ایس قیدن نوں وَدھ روٹی دے اے دُدھ پلاندی ماں
اے بچہ ہے ازاد جی ایہدی ماں اے ڈکی جیل

ایہدی سیٹی سَدّا چوراں دا ایہدا اُکوں لُگّا راہ
ہن کنج جا ٹیشن چڑھسی اے لین تَھڑُّکی ریل

پہلاں کِھلری آل دوال نوں فیر انبر کیتا منہ
ہن رُکھ نوں جا کے چمڑی اے سَوکا پاندی ویل

غدیر زھرا
واہ۔
ماشاءاللہ
محفلین دا ٹیلنٹ ویکھ کے مرعوب ہو ہو جاندی آں۔
 
بندہ کج نہ کرے کہ بس میرے ورگے کم علماں دے علم وچ اضافے دی دعا کرے یا ٹھیٹھ پنجابی وچ جملہ لکھ کے دعاوں لے لوے۔
ٹھیٹھ پنجابی آندی ہندی تے تہاڈے مراسلے وچ اِنیاں زباناں دی ملاوٹ دا کتھوں پتا لگنا سی تے نالے اردو فورم تے کی کرنا سی. ایہہ ہور گل اے کہ ٹھیٹھ اردو وی نئیں آندی! ہاں اوداں ای دعاواں دینیاں واں تے ست ضرب ست بسم اللہ! :)
 

فرحت کیانی

لائبریرین
ٹھیٹھ پنجابی آندی ہندی تے تہاڈے مراسلے وچ اِنیاں زباناں دی ملاوٹ دا کتھوں پتا لگنا سی تے نالے اردو فورم تے کی کرنا سی. ایہہ ہور گل اے کہ ٹھیٹھ اردو وی نئیں آندی! ہاں اوداں ای دعاواں دینیاں واں تے ست ضرب ست بسم اللہ! :)
بہرحال ٹوکنے دا شکریہ۔ آئندہ خیال رہوے گا کہ ایسی کسی جگہ تبصرہ نہ کیتا جائے جتھے زباناں دی ملاوٹ ممنوع اے۔
 
بہرحال ٹوکنے دا شکریہ۔ آئندہ خیال رہوے گا کہ ایسی کسی جگہ تبصرہ نہ کیتا جائے جتھے زباناں دی ملاوٹ ممنوع اے۔
ہائے ہائے! ایڈا ظلم ایس نمانی تے نہ کرو! تسی تے ساڈے وڈے وی او تے سانوں بوہت عزیز وی. میں تے ہاسے لئی (اردو آلا ازراہ تفنن) کہیا سی تے نالے ایہہ وی چاہیا سی کہ تسی ہر جگہ تبصرے کردے نظر آوو. :)
 

غدیر زھرا

لائبریرین
ماں بولی نال پیار تے شائد سب نوں ای ہوندا اے مگر اپنے لطیف احساسات رائیں ایہنوں ایڈی خوبصورتی نال ورتاوے اِچ لیان دا مان کِسے کِسے خوش نصیب نوں ای ملدا اے ۔ گل تے چنگی نئیں پر جے تُسیں اجازت دیو تے اسیں ایس غزل دے پیش کرن تے تہاڈے، چوہدری صاب تے نینی تِناں توں تھوڑا جیلس فِیل کر لئیے :)
دوجیاں دا تے پتا نئیں۔ میرے تو کاہدا ساڑا میں ہالے لکھیا وی کتنا کوئی اے۔ تسی آپ پنجابی بولی نوں بڑی چنگی طرح سانبھیا ہویا اے۔ بہت مہربانی تسی انی حوصلہ افزائی کیتی :)
 

آوازِ دوست

محفلین
دوجیاں دا تے پتا نئیں۔ میرے تو کاہدا ساڑا میں ہالے لکھیا وی کتنا کوئی اے۔ تسی آپ پنجابی بولی نوں بڑی چنگی طرح سانبھیا ہویا اے۔ بہت مہربانی تسی انی حوصلہ افزائی کیتی :)
تُسیں آپنی بولی دےایس قیمتی ورثے نوں کیویں بچایا ہویا اے؟ تے جیس زمین اِچ ہُن چنگی نثر وی اوکھی اُگدی اے اُہدے وِچ شاعری؟ لگدا اے کہ شائد ماحول تےمطالعے نےاے مُعجزا کیتا اے؟ اسیں تے اُردو دے چکراں وچ ایہو جیہے پئےکہ آپنی سُرت گوا بیٹھے۔ اِک واری سوچیا سی کہ چلو آپنی بولی وِچ وی چار حرف لیکئے پر اگلے پَل ای اے ویخ کے حیرت تے بے یقینی نال دل بہہ گیا کہ میرے پلے تاں ایہنے اَکھر وی نئیں کہ جنہاں رائیں کوئی عام جیہے خیال نوں وِی ٹہنگ نال بیان کر سکے۔فیر ویکھیا کہ اے میرے کلّے دا دُکھ نئیں ایتھے تے نسلاں دیاں نسلاں اِی روگی نیں۔کدی لگدا اے کہ شائد اے قدرت ولوں سزا اےکہ میں نِکی عمُرے آپنے چنگی پنجابی بولن آلے دوستاں دا مذاق وی اُڑایا اے جدوں او مینوں کتابی کیڑا کہندے سَن تے مَیں اوہنا نوں آخدا ساں کہ "اوئے!!! ٹہووئی (پُشت یا کمر)، ٹہیم(کچی مَٹی کا ڈھیلا) ، ٹَہگّا (بیل)بولن آلے پینڈوؤ!! تُہانوں کی پتا کتاباں اِچ کی لِخیا اے"۔ اج او تے چنگی طراں جاندے نیں کہ کتاباں اِچ کی لِخیا اے پر میری ٹہووئی ، ٹہیم ، ٹہگّا بولن، لِخن دی حسرت نئیں مِٹدی تے جے کوئی چنگی پنجابی لِخدایا اوہدی ترقی دا کم کردا نظر آجائے تے آپنی تھوڑ ہور ودیری لگدی اے تے اِنج لگدا اے کہ ساڑا کھان دی حسرت رکھن والا ایہہ دل جیویں ساڑا کھان چَلّا اے ۔ لِخدے رہوو ۔۔۔۔تے دِخدے رہوو :)
 

نیرنگ خیال

لائبریرین
نینی بھیا سب خیر خیریت ہے آپ سنائیں کیسے ہیں اور مجھ سے پوچھ رہے ہیں میں کہاں غائب ہوں ؟ :) :) آپ خود اتنا کم کم نظر آتے ہیں، بھلا کیوں؟
اس کو کیا کہتے ہیں بھلا؟ الٹا چور کوتوال کو ڈانٹے یا الٹا غائب حاضر کو ڈانٹے؟ :whistle::unsure:o_O
 
Top