سید شہزاد ناصر
محفلین
ہوا نے اس سال جتنے عمّال دوسری شاہیوں کو بھیجے تھے
ان کی اسناد میں عبارت کی غلطیاں تھیں
زمیں نے اس سال جتنی گندم اُگائی تھی اس میں سنگریزے تھے
۔۔۔۔۔۔۔۔۔۔۔۔ خوانِ محنت پہ نانِ تازہ سے بوئے کشتِ فساد آئی
پہاڑ نے اس برس کوئی پھول، کوئی پیغام اہل ِ وادی کو جشن ِ نوروز پر نہ بھیجا
نمائش ِ گل، نمودِ سبزہ ہوئی تو آہن گروں نے تختوں پہ، طاقچوں پر گلاب کی جگہ
۔۔۔۔۔۔۔ قفل رکھے
نمائش ِ گل ہوئی تو بلبل کو قفل تا قفل، شاخ تا شاخ، مہر تا مہر فاصلوں کی
۔۔۔۔۔۔۔۔۔ مسافتوں سے نڈھال دیکھا
سمندر اس سال ساحلوں کے حصار میں تھا
نہ سایۂ تیغ موج ِ قاتل کے سر سے گزرا
نہ پرچم ِ آب سے کوئی فتح کا ستارہ، گِھری ہوئی کشتیوں میں اُترا
خبر محازوں سے جو بھی آئی، بری خبر تھی
گروہِ خود سوز کا تماشہ
جلے ہوئے بادباں پہ بارش کا سرسری عدل، فیصلے میں جواز ِ کثرت
شکستہ پر طائروں پہ بندوق کا نشانہ
۔۔۔۔۔۔۔۔۔۔ گِھری ہوئی کشتیوں نے دیکھا
گِھری ہوئی کشتیوں نے دیکھا کہ جشن کی رات قاتلوں نے
لہو لہو پانیوں سے پوشاکِ صبح دھوئی
سخنوروں نے دکانِ گریہ میں اس برس جو ظروف رکھے
ہر ایک رت میں بھرے ہوئے تھے
وہ چاند ڈوبا تو بند بازار ِ تعزیت میں افق افق سے ستارہ آیا
سہاگنوں نے وصال نامے میں ہجر کے استعارے لکھے
اداس ماؤں نے بیٹیوں کو بلند لفظی پہ سرزنش کی
وہ چاند ڈوبا تو بام و در کے بجھے چراغوں نے اس برس آسماں نہ دیکھا
ان کی اسناد میں عبارت کی غلطیاں تھیں
زمیں نے اس سال جتنی گندم اُگائی تھی اس میں سنگریزے تھے
۔۔۔۔۔۔۔۔۔۔۔۔ خوانِ محنت پہ نانِ تازہ سے بوئے کشتِ فساد آئی
پہاڑ نے اس برس کوئی پھول، کوئی پیغام اہل ِ وادی کو جشن ِ نوروز پر نہ بھیجا
نمائش ِ گل، نمودِ سبزہ ہوئی تو آہن گروں نے تختوں پہ، طاقچوں پر گلاب کی جگہ
۔۔۔۔۔۔۔ قفل رکھے
نمائش ِ گل ہوئی تو بلبل کو قفل تا قفل، شاخ تا شاخ، مہر تا مہر فاصلوں کی
۔۔۔۔۔۔۔۔۔ مسافتوں سے نڈھال دیکھا
سمندر اس سال ساحلوں کے حصار میں تھا
نہ سایۂ تیغ موج ِ قاتل کے سر سے گزرا
نہ پرچم ِ آب سے کوئی فتح کا ستارہ، گِھری ہوئی کشتیوں میں اُترا
خبر محازوں سے جو بھی آئی، بری خبر تھی
گروہِ خود سوز کا تماشہ
جلے ہوئے بادباں پہ بارش کا سرسری عدل، فیصلے میں جواز ِ کثرت
شکستہ پر طائروں پہ بندوق کا نشانہ
۔۔۔۔۔۔۔۔۔۔ گِھری ہوئی کشتیوں نے دیکھا
گِھری ہوئی کشتیوں نے دیکھا کہ جشن کی رات قاتلوں نے
لہو لہو پانیوں سے پوشاکِ صبح دھوئی
سخنوروں نے دکانِ گریہ میں اس برس جو ظروف رکھے
ہر ایک رت میں بھرے ہوئے تھے
وہ چاند ڈوبا تو بند بازار ِ تعزیت میں افق افق سے ستارہ آیا
سہاگنوں نے وصال نامے میں ہجر کے استعارے لکھے
اداس ماؤں نے بیٹیوں کو بلند لفظی پہ سرزنش کی
وہ چاند ڈوبا تو بام و در کے بجھے چراغوں نے اس برس آسماں نہ دیکھا