رہے جاتے ہیں یہ ارمان ہائے میرے سینے میں , نعت شریف

[محمد عدنان اکبری نقیبی]

رہے جاتے ہیں یہ ارمان ہائے میرے سینے میں
نہ کعبے کی گلی دیکھی نہ پہنچا میں مدینے میں

محمدﷺ کی جدائی آگ بھڑکاتی ہے سینے میں
رواں جب دیکھتا ہوں قافلے حج کے مہینے میں

مزہ کیا خاک آئے دور رہ کر ایسے جینے میں
کہ پروانہ یہاں تڑپے رہے شمع مدینے میں

محمدﷺ اس طرح تشریف فرما ہیں مدینے میں
کہ جیسے سورہ یٰس ہے قرآں کے سینے میں

کہاں جائے غریب ،اللہ تڑپتی روح کولے کر
تیرے محبوبﷺ کا صدقہ تو پہنچادے مدینے میں

نامعلوم
​

 

[محمد عدنان اکبری نقیبی]

اگر کسی محفلین کے پاس اس نعت شریف کے اور اشعار موجود ہوں اور اس نعت شریف کےتخلیق کردہ شاعر کا نام معلوم ہو تو لازمی اس لڑی میں شیئر کریں ۔