یوسف سلطان
محفلین
رُودادِ قفس یاد نہ اندازِ فغاں یاد
جو بِیت گئی بِیت گئی اب وہ کہاں یاد
ہر غنچہ وگُل میں ترے جلوؤں کے شگوفے
ہر سُو تری یادیں ہیں، یہاں یاد ،وہاں یاد
تُم بھول گئے مجھ کو تو کیا اس میں تعجب
اِس دور میں کرتا ہے کِسے، کون،کہاں یاد
کس نام نے رس گھول دیا کام و دہن میں
کرتی ہے کسے منہ میں زباں رقص کُناں یاد
کافی تھی تباہی کے لیئے گردشِ دوراں
تُم ایسے میں کیوں آگئے اے جانِ جہاں! یاد
تحریر میں لاتے ہیں مرے اشک مُسلسل
تُم کو بھی تو ہو گا وہ بچھڑنے کا سماں یاد
اپنے سے رقابت کا یہ عالَم ہے کہ توبہ
ہم بھول گئے خُود کو وہ آئےہیں جہاں یاد
ماضی کے دریچے سے کبھی جھانک کے دیکھو
شاید تمہیں آجائے مرا نام و نشاں یاد
ہِک تُویوں تے ہیں میریاں آساں دا سہارا
فر یاد کراں کینوں جے تینوں نہ کراں یاد
لہجے میں ہو اخلاص تو دو بول بہت ہیں
انسان کو رہتی ہے محبت کی زباں یاد
میں نے بھی گُہر ایسے چُنے کانِ سُخن سے
اُمید ہے رکھیں گے مجھے اہلِ زباں یاد
قُربت میں نصیر آج یہ کیا خدشئہ دُوری
بہتر ہے نہ کر فصلِ بہاراں میں خزاں یاد
پیر نصیرالدین نصیر گیلانی رحمتہ اللہ علیہ
جو بِیت گئی بِیت گئی اب وہ کہاں یاد
ہر غنچہ وگُل میں ترے جلوؤں کے شگوفے
ہر سُو تری یادیں ہیں، یہاں یاد ،وہاں یاد
تُم بھول گئے مجھ کو تو کیا اس میں تعجب
اِس دور میں کرتا ہے کِسے، کون،کہاں یاد
کس نام نے رس گھول دیا کام و دہن میں
کرتی ہے کسے منہ میں زباں رقص کُناں یاد
کافی تھی تباہی کے لیئے گردشِ دوراں
تُم ایسے میں کیوں آگئے اے جانِ جہاں! یاد
تحریر میں لاتے ہیں مرے اشک مُسلسل
تُم کو بھی تو ہو گا وہ بچھڑنے کا سماں یاد
اپنے سے رقابت کا یہ عالَم ہے کہ توبہ
ہم بھول گئے خُود کو وہ آئےہیں جہاں یاد
ماضی کے دریچے سے کبھی جھانک کے دیکھو
شاید تمہیں آجائے مرا نام و نشاں یاد
ہِک تُویوں تے ہیں میریاں آساں دا سہارا
فر یاد کراں کینوں جے تینوں نہ کراں یاد
لہجے میں ہو اخلاص تو دو بول بہت ہیں
انسان کو رہتی ہے محبت کی زباں یاد
میں نے بھی گُہر ایسے چُنے کانِ سُخن سے
اُمید ہے رکھیں گے مجھے اہلِ زباں یاد
قُربت میں نصیر آج یہ کیا خدشئہ دُوری
بہتر ہے نہ کر فصلِ بہاراں میں خزاں یاد
پیر نصیرالدین نصیر گیلانی رحمتہ اللہ علیہ
آخری تدوین: