روا جس سے ہو کام، نامِ علی ہے - چودھری دِلّو رام کوثری

[حسان خان]

روا جس سے ہو کام، نامِ علی ہے​

دل و جاں کا آرام، نامِ علی ہے​

​

وظیفہ ہے زاہد کا یہ اسمِ اعظم​

مجاہد کی صمصام، نامِ علی ہے​

​

اسی نام سے بڑھتا ہے جوشِ ایماں​

ترقیِ اسلام، نامِ علی ہے​

​

ہیں سرشار جس سے بزرگانِ ملت​

مئے حق کا وہ جام، نامِ علی ہے​

​

محب کو نجات اس سے ہوتی ہے حاصل​

عدو کے لیے دام، نامِ علی ہے​

​

بلا ٹل گئی لیتے ہی نامِ حیدر​

کہ راحت کا پیغام، نامِ علی ہے​

​

کہوں کوثری کیا میں اُس کے فضائل​

خود اللہ کا نام، نامِ علی ہے​

​

(چودھری دِلّو رام کوثری)​